Alame Yuushuwan Deꞌiya Ishantta Siiqite
Ha huuphe yohuwaa qofay ayyaanaa kaaletuwan xaafettoosappe naaꞌꞌu shaꞌu laytta gidana hanees. (1 PHe. 2:17) SHin awudeegaappenne aaruwan nuuni ha wodiyan hegaa oosuwan peeshshana koshshees! Alame yuushuwan deꞌiya ishantta waatidi siiqana danddayiyoo? Qassi siiqoy baynna ha alamiyan nu siiqoy mule irxxennaagaa erana danddayiyoy ayba ogiyaanee? (Maa. 24:12) Alame Yuushuwan Deꞌiya Ishantta Siiqite giya biiduwaa beꞌiyo wode kaallidi deꞌiya oyshata zaaranau malite.
(1) Nuuni ishanttu maabaraa yara gididoy awudee? (2) Alame yuushuwan deꞌiya ishanttuura issippetettan oottiyo heezzubati aybee? (3) Nu ishati sabbakanau murttidoogaa ayba ogiyan bessidonaa? (a) Alaskka bazzuwan, (b) Awurooppan markkabee eqqiyo heeraaninne (c) Peeru woran. (4) Sabbakiyo oosuwaa hara oosodan xeellana koshshennay aybissee? (5) Yihoowa Markkati issoy issuwaa waatidi minttettidaakkonne maaddidaakko leemisuwaa yoota: (a) biittaa qaattaappe simmin, (b) wolqqaama gotiyaappe simmin, qassi (c) olaa wode. (6) Alame yuusho ishanttu maabaraa shaakki erissiya waannabaa nuuni ubbay qonccissana danddayiyoy ayba ogiyaanee? (Yoh. 13:35) (7) Kawotettaa Addaraashaa issippetettan keexxiyoogan ayba goꞌꞌaa demmiyoo? (8) Arshsho Awurooppaaninne Eraashiyan sabbakiyo oosoy teqettido wode nu ishati ayyaanaaban minnidi deꞌidoy ayba ogiyaanee? (9) Daro Yihoowa Markkati awuraajjaa shiiquwaa shiiqanau ay oottidonaa, qassi aybissi? (10) Ha biidoy neeni kaseegaappe aaruwan murttanaadan minttettidoy ayba ogiyaanee? (a) ne ishatuura issippetettan gubaaꞌiyaa shiiquwan Yihoowayyo goynnanau, (b) meto wodiyan harata maaddanaunne (c) demmido injje ubban ammanettada sabbakanau. (11) Ha biiduwaa haggaazuwan waatidi goꞌettana danddayiyoo, qassi awude?
Nuuni alame yuusho ishanttu maabaraa yara gidido waanna gaasoy Yihoowa siiqiyo gishshataassa. Yaatiyo gishshau, nuuni abaa tamaaranaunne haratakka tamaarissanau koyoos. Qassi Yihooway siiqiyo asaa siiqoos. Eta metoy gakkiyo wode nuuni maaddiyoy, Xoossan nashettanau qoppidi gidennan, alame yuusho ishanttu maabaray Xoossay nuuyyo immido alꞌꞌo imota gidiyo gishshau a galatanaassa. Siiqoy baynna ha alamee xayana haniyo wurssetta gallassatun, alame yuusho ishanttu maabaraa ubbatoo siiqiyaageeta gidoos!