Haggaazuwan Oosettidabaappe Ayfettiyaabata

Xiqimita aginan kare biittaa qaalaa tamaarissiyoogaa doommida. Addisaaban deꞌiya aassiyaageetuppenne aqinyetuppe CHayna qaalaa haasayiyaageetussi sabbakanau koyiya, 30ppe dariyaageeti he timirttiyaa doommidosona. Kifiliyaaninne haggaazuwaa kiyidi tamaariyo he timirttee heezzu aginan wurees. Tamaareti koyro sarotiyoogaa tamaaridi, hegaappe simmin asaa qanttan haasayissananne guyyeppe ubba Geeshsha Maxaafaa xannaꞌissana danddayoosona. Toophiyan tumaa tamaarida CHayna biitta asa gidida issi michiyaa mata wode xammaqettaasu. Ha biittan oottiya, arshsho bagga biittaappe yiida daro attumaageetinne maccaageeti Geeshsha Maxaafaa tumaa eranau koyoosona. Eti koshshiya maaduwaa demmana danddayoosona giidi hidootoos.