Haggaazuwan Oosettidabaappe Ayfettiyaabata

Dumma zamachay Laappuniyan kuuyettiis; ha zamachan muleera 365 ishatinne michoti ooninne haggaazi erenna woy xombban xombban haggaazido 140 moottan haggaazidosona. Laappuniyan dumma zamachaynne Godaa Kahuwau asaa shoobbiyo zamachay issi wode oosettiis. Loytti markkattido gishshau, 25,000ppe dariya asay he baalaa bonchiis. Laappunaa gidiya citati Godaa Kahuwaa kase bonchi erennaageeta; hegeetuppe issotu issotun 122 gidiya asay shiiqiis. Qassi, Laappuniyan 3,239ti kaafiya aqinye gididi haggaazidosona. Eta gujjin, Laappuniyan muleera 5,424ti aqinye gididi haggaazidosona! Minnidi oottido gishshau, aassiyaageetu xoqqa qooday 9,607 gidiis; qassi asau immido maxeetetu qoodaynne zaarettidi oychido qooday kase wodetuugaappe daro. Hegee keehi ufayssiyaaba! Koshshay deꞌiyo ha ubba asata kaallidi Geeshsha Maxaafaa xinaatiyaa doomissiyaageeta gidoos.