Asaa Haasayissiyoogaa Doommanau Maaddiya Qofaa

Kawotettaa Oduwaa Paydo 38

“Ha keehi ufayssiyaabaa yootiya trakttiyaa saꞌa yuushuwan ubba asau immiiddi deꞌoos. Hagee inttessa.”

Akeekissuwaa: Haggaazo moottan deꞌiya asa ubbau immanau, yootiyoobaa qanttan odite. SHin keettaaway wozanappe eranaunne haasayanau koyana danddayees. Hegaadan gidikko, koyro sinttan deꞌiya oyshau ayba zaaro immiyaakko oychana danddayeeta; yaatidi, Geeshsha Maxaafaa zaaruwaa trakttiyaappe nabbabidi, wodee deꞌiyaaba gidikko, amarida qofaa tobbite. Baanaappe kase, wurssetta sinttan “Qoppana Koshshiyaabaa” giya oyshaa oychidi zaaretti yiyo wode tobbanau wodiyaa keerite.

Wochiyo Keelaa Xiqimita-Tisaase

“Daro asay Xoossay hagaa keena tuggaa aybissi paqqadidaakko oychiyo gishshau haasayissiiddi deꞌoos. Intte hegaadan oychi ereetii? [Zaaranaashin takki ga.] Geeshsha Maxaafay kayyoynne sahoy baynna wodee yaanaagaa yootees; hegee keehi ufayssiyaaba. [Ajjuutaa 21:4 nabbaba.] Tuggay keehi daridoy aybissakko ha maxeetee ichashu waanna gaasota qonccissees. Qassi Xoossay tuggaa waati xayssanaakko Geeshsha Maxaafay yootiyoobaakka qonccissees.”

Beegottite! Hidaare

“Kanddoy moorettiiddi deꞌiyaaba milatiyo gishshau hirggiya daro asatuura haasayiiddi deꞌoos. Asaa kanddoy kaseegaappe moorettiis giidi qoppeetii? [Zaaranaashin takki ga.] Asaa hanotaynne eeshshay moorettanaagee Geeshsha Maxaafan kasetidi odettiis. [2 Ximootiyoosa 3:1-5 nabbaba.] Geeshsha Maxaafan deꞌiya kandduwaa maaraa nuuni kaallana koshshiyoy aybissakko ha maxeetee qonccissees.”