Takkida Maxeeteta loytta Goꞌetta

Takkida maxeeteta wotti bayiyoogee woy oliyoogee oonanne maaddenna gishshau, nuuni eta asau immana bessees. Issi maxeetee issi uri tumaa siyanaadan denttettananne i Yihoowa sunttaa xeegiyoogaa doommanaadan oottana danddayees. (Roo. 10:13, 14) Takkida maxeeteta waatidi asau immana danddayiyaakko bessiya amarida qofay hagaappe kaallidi deꞌees.

• Darotoo oosettibeenna haggaazo moottan haggaaziyo wode, asa demmibeenna keettan, yaa haa biya asay beꞌenna sohuwan issi maxeetiyaa wottana danddayaasa.

• Asay taraa naagiyo heeran dabaaban markkattiyo wode, hegan deꞌiya asay nabbabiyoobaa koyiyaakko oychada, takkida dumma dumma maxeeteta bessin eti hegaappe koyiyoogaa dooridi ekkanaadan yoota.

• Intte haggaazo moottan aakime keettaanne hegaa mala sohuwaa biyo wode, asay taraa naagiyo sohuwan takkida maxeetetuppe amaridaagaa wottana danddayaasa. Alaafee deꞌiyaaba gidikko, xuufeta wottanaappe kase a oychiyoogee loꞌꞌo. He sohuwan nu maxeetetuppe daroy deꞌiyaba gidikko, haraa wottennan aggiyoogee loꞌꞌo.

• Zaaretta oychanau baana haniyo wode neeni oychanau qoppiyo asatu hanotaa qoppa. I aqo oyqqida asee? Darotoo manddara biya asee? Goshshaa dosiya asee? Hegaadan kasetidi qoppiyoogee, i nabbabanau koyiyo qofaa oyqqida takkida maxeetee deꞌiyaakkonne beꞌada, zaaretta oychiyo wode au immanau maaddees.

• Siyanau koyiya uraa zaaretta oychanau darotoo baada a demmabeennaba gidikko, aara gayttiyo wode neeni kase au immabeenna takkida maxeeteta imma.