Issoy Issuwaa Loꞌꞌo Oosuwawu Mishettidi Denttettite

Ibraawe 10:24y nuuni ‘issoy issuwaa siiquwawunne loꞌꞌo oosuwawu’ denttettanaadan minttettees. Nuuni leemiso gidiyaabaa oottiyoogaaninne nu ammanuwaa qonccissiyoogan nu ishata denttettana danddayoos. Intte ayyaanaaban demmido loꞌꞌobaa gubaaꞌiyan deꞌiya haratuyyo yootite. Neeni Yihoowayyo haggaaziyoogan demmiyo ufayssaa eti akeekanaadan ootta. Qassi bessenna ogiyan eta nenaara woy hara asaara geeddarssennaadan naagetta. (Gal. 6:4) Ne minotettaa harata ‘siiquwawunne loꞌꞌo oosuwawu’ denttettanawu goꞌettappe attin, eta azzanuwawunne loꞌꞌo oosuwawu denttettanawu goꞌettoppa. (Haggaazo Timirtte Keettaa maxaafaa sinttaa 158, mentto 4 xeella.) Nuuni siiquwawu denttettiyaaba gidikko, harata asatettan maaddiyaabaa oottiyoogee woy haratuyyo mishiraachuwaa yootiyoogee attenna.—2 Qor. 1:24.