Haggaazuwan Kaseegaappe Qara Gidiyoogaa—Maxeetiyaa Ubba Wode Ekkiya Asawu Immiyoogaa

Hegee Keehi Koshshiyoy Aybissee? Nu maxeetiyaa nabbabanawu koyiya daro asay nunaara Geeshsha Maxaafaa xannaꞌanawu koyenna. Eti bantta haymaanootiyaa dosana danddayoosona woy xannaꞌanawu wodee banttawu baynnabadan qoppana danddayoosona. SHin eti ubbatoo nu xuufiyaa nabbabiyo gishshawu, Xoossaa Qaalaa laamotiyoogaa doommana danddayoosona. (1 PHe. 2:2, 3) Issi huuphe yohoy eta wozanaa denttettana danddayees woy eta hanotay laamettana danddayees. Ubbatoo amarida wodiyaa bazzidi eta oychiyoogee eti nuna meezetanaadan oottana danddayees; hegee qassi eti dosiyoobaynne eta qofissiyaabay aybakko nuuni eranaadan maaddees. Wurssettan, eti Geeshsha Maxaafaa xannaꞌiyoogaa doommana danddayoosona.