Haggaazuwan Oosettidabaappe Ayfettiyaabaa

Aadhida haggaazo layttan aassiyaageetu qooday 3% gujjiis. Xammaqettida asaa qooday 513, qassi 22 asay nabbabiyoogaanne xaafiyoogaa tamaariis. Mata wode xammaqettida he asatuuninne ayyaanaabaa qumaa nabbabiyoogaa danddayida astunkka keehi ufayttida. Eta tamaarissidaageeta nashshoos; qassi hegaadan tamaarana bessiya haratakka intte tamaarissanaadan minttettoos. Asawu immido maxeetee 23%, maxaafay 38% qassi brooshuree (trakttiyaa gujjin) 845% kaseegaappe gujjiis. Hegee keehi daro asay Xoossaa Qaalan deꞌiya alꞌꞌo tumaa eranaadan oottiyoogee qoncce gidiyo gishshawu, keehi ufayssiyaaba. Nu xuufeta, ubba qassi nu maxeetetanne traktteta ubba wode loytti goꞌettiyaageeta gidoos. Qassi siyanawu koyiyaageeta kaallidi maaddiyoogaanne zerido alꞌꞌo zerettaa ‘haattaa ushshiyoogaa’ aggennaadan inttena minttettoos.—1 Qor. 3:6.