Asaa Haasayissiyoogaa Doommanawu Maaddiya Qofaa

Wochiyo Keelaa Isiine-Masqqala

“Hagaa heeran deꞌiya asawu ha trakttiyaa immiiddi deꞌoos. [Geeshsha Maxaafaa Ay Mala Maxaafadan Xeellay? giyo trakttiyaa awu immada, koyro sinttan deꞌiya oyshata oycha. Yaatada, 2 Ximootiyoosa 3:16n deꞌiya Geeshsha Maxaafaa zaaruwaa bessada, trakttiyaa immada nabbabanaadan minttetta.] Kaallidi deꞌiyaagaa mala oyshatuyyo Geeshsha Maxaafay loꞌꞌo zaaruwaa immiyoogaa daro asay erenna. [Wochiyo Keelan heezzantta sinttan deꞌiya huuphe yohuwaa bessa.] Ha maxeetee neeni ne Geeshsha Maxaafan oyshatuyyo zaaruwaa waatada demmanaakko qonccissees.”

Beegottite! Naase

“Seele giddon deꞌiya keehi daro naqaashaabaa qonccissiya ha maxeetiyaa asawu immiiddi deꞌoos. [Beegottite! maxeetiyaa koyro sinttaa bessa.] Daro asay deꞌoy lodda laamiyan yiidabadan qoppees; hara asay qassi deꞌoy merettidaba giidi qoppees. Ne qofay shin aybee? [Zaaranaashin takki ga.] Ha maxeetee asay pilggidobay seelee keehi muttumurettidaba gidiyoogaa, qassi hegee issi issi saynttistteti deꞌuwaa Medhidaagee deꞌennan waayi aggana giidi qoppanaadan oottidoogaa qonccissees.”