Haggaazuwan Oosettidabaappe Ayfettiyaabaa
Toophiyan, ha haggaazo layttan hanno gakkanawu ooratta gidida oyddu gubaaꞌetinne hosppun citati eqqidoogaa ufayssan erissoos. Haꞌꞌi nu biittan muleera 217 gubaaꞌeti deꞌoosona; hegeetuppe 70ti Addisaaban deꞌoosona. Sabbakiyo oosuwaara gayttidaagan haꞌꞌikka daro oosoy oosettana bessees. Bantta wolqqan Yihoowa bonchissiyaabaa oottanawu minnidi oottiya ubbaa i anjjiyoogaa eroos.
Qassi qooqeta maaddanawu Amaarattuwan koyro gidida Breyle xuufeti giigidoogaakka ufayssan erissoos. Ha giigissoy Isiyaasa 35:5 hiraagay polettanaagaa naagiyaageetu ayyaanaa ayfee dooyettanaadan oottiyoogan loꞌꞌo ayfiyaa demissana giidi hidootoos.