Mino Geeshsha Maxaafaa Tamaare Waani Gidana Danddayiyoo?

Daaneeladan meto wodiyan ammanettiya asa gidanawu koyay? Daaneeli akeekanawu metiya hiraagaa gujjin, Xoossaa Qaalaa minnidi xannaꞌiis. (Dane 9:2) Minnada Geeshsha Maxaafaa xannaꞌiyoogee neeni ammanettada deꞌanaadan maaddana danddayees. Waatidi? Yaatiyoogee Yihooway gelido qaalay polettanaagaa neeni kaseegaappe aaruwan ammananaadan oottana danddayees. (Yaas 23:14) Qassi kaseegaappe aaruwan neeni Xoossaa siiqanaadankka maaddees; hegee qassi loꞌꞌo gididabaa neeni oottanaadan denttettana. (Maz 97:10) SHin neeni ay xannaꞌiyoogan doommana koshshii? Kaallidi deꞌiya qofaa beꞌa.

• Taani xannaꞌana koshshiyaabay aybee? Xinaatiyaa gooba uri gubaaꞌe shiiquwawu giigettees; harabaakka loytti xannaꞌees. Saaminttaa Geeshsha Maxaafaa nibaabiyaa nabbabiyo wode neeni akeekabeennabaa pilgganawu wodiyaa bazzikko keehi goꞌettaasa. Issoti issoti Geeshsha Maxaafaa hiraagaabaa, Xoossaa ayyaanaa ayfiyaa dumma dumma macaraabaa, kiitettida PHawuloosi misoonaawe gididi biidoogaabaa woy Yihoowa meretaabaa loytti eranawu koyoosona. Neeni Geeshsha Maxaafaappe eranawu koyiyoobi deꞌikko hegaa xaafa oyqqa; yaatada, xinaatiyawu bazzido wodiyan hegaa loytta pilgga.

• Maaddiya qofaa ta awuppe demmanee? Hegaa zaaruwaa eranawu Ayyaanaaban Alꞌꞌobaa Xannaꞌanawu Maaddiya Miishshata giyo biiduwaa beꞌa. Leemisuwawu, Daaneela shemppo 7n qonccida doꞌatun leemisettida alamiyaa wolqqaama kawotettati awugeetakko pilgga.

• Taani issi kutti ay keena wodiyawu xannaꞌana koshshii? Ubbatoo xannaꞌiyoogee ayyaanaaban payya gididi deꞌanawu keehi koshshiyaaba. Koyro heeran guutta saatiyaa xannaꞌiyoogan doommana danddayaasa; yaatada, issi kuutti daro saatiyaa xannaꞌiyoogaa meezeta. Xoossaa Qaalaa xannaꞌiyoogee qosido alꞌꞌo miishshaa demmanawu bookkiyoogaa mala; qosido issi miishshaa demmiyo wode haraakka demmanawu gujjada bookkana koyaasa! (Lee 2:3-6) Xoossaa Qaalaa kaseegaappe aaruwan laamotaasa; qassi Geeshsha Maxaafaa xannaꞌiyoogee neeni ubbatoo oottiyooba gidees.—1PHe 2:2, 3.

DAANEELA SHEMPPO 7N DEꞌIYA DOꞌATI AYBAWU LEEMISOO?

• 

  Dane 7:4

• 

  Dane 7:5

• 

  Dane 7:6

• 

  Dane 7:7

GUJO OYSHAA:

Daaneela 7:8, 24y waani polettidee?

KAALLIYA WODE XANNAꞌANABAA:

Ajjuutaa shemppo 13n odettida doꞌati aybiyyo leemisoo?