Eridobaa Haratuyyo Yootanawu Halchchada Xannaꞌa

Xannaꞌiyogee nuna gazddissana danddayees; shin nuuni demmido minttettiya ayyaanaaban alꞌꞌobata haratussi yootiyo wode hegaappe aaruwan gazddana danddayoos. Leemiso 11:25y hegaabaa qonccissiiddi, “Harata maaddiya asi maadettana” yaagees.

Nuuni eridobaa haratussi yootiyogee he qofata metootennan hassayanaadaaninne loytti akeekanaadan maaddees. Qassi he qofati harata minttettana danddayiyo gishshawu he alꞌꞌobata etayyo yootiyogee nuuni ufayttanaadan oottees.—Oos. 20:35.

Hagaa mala: Kaalliya saaminttan, neeni eridobaa hara urawu yootiyo injjiya koya. So asaappe issuwawu, ne galchchan deꞌiya urawu, nenaara oottiyagawu, nenaara tamaariyagawu, ne shooruwawu, woy haggaazuwan ne demmiyo urawu yootana danddayaasa. He qofata guuggiyan oyqqada akeekanawu metenna ogiyan qoncciyan yootanawu mala.

Hassaya: Neeni eridobaa harata malaalissanawu gidennan, minttettanawu yoota.—1 Qor. 8:1.