Ayyaanaabaa

Daro asay Geeshsha Maxaafaa bonchchiyoogaa ha maxeetiyan koyro huuphe yohuwan beꞌida. Eti A nabbabiyo wodenne an deꞌiya kaaletuwaa oosuwan peeshshiyo wode, Xoossaakko shiiqidabadan qoppoosonanne bantta deꞌuwaa halchchuwaa akeekoosona.

‘Ayyaanaabaa’ giya qaalaa issi uri deꞌuwaa xeelliyo ogiyaa qonccissanawu Geeshsha Maxaafay goꞌettees. (Yihudaa 18, 19) Xoossaa kaaletuwaa koyenna asay ba qofan zemppees; shin A kaaletuwaa koyiya asay I kessido maarata xoqqu ootti xeellees.—Efisoona 5:1.

HIDOOTAA

GEESHSHA MAXAAFAY YOOTIYO MAARAA: “Neeni metuwaa gallassi laafikko, ne wolqqai guutta giyoogaa.”—Leemiso 24:10.

HEGEE WOYGIYOOGEE? Hidootaa qanxxiyoogee nu deꞌuwan metuwaa genccanawu nuussi koshshiya wolqqaa xayssees. Hara baggaara qassi, hidootay nuussi koshshiya wolqqaa immees. Nuussi hidootay deꞌikko, nuna gakkiya daro metooti guutta wode xallawu takkiyoogaa eroos; ubba he metoti loꞌꞌo ayfe demissana danddayoosona.

NEENI AY OOTTANA DANDDAYAY? Sinttappe hanana loꞌꞌobaa qoppa. Hanana danddayiyaabawu hirggiyoogaappe woy keehi loꞌꞌo hanotaa naagiyoogaappe, ne halchchidoogaadan ootta. Qoppibeennabay gakkana danddayiyoogee tuma. (Eranchchaa 9:11) SHin, darotoo nuuni naagidoogaappe loꞌꞌobay gakkana danddayees. Hegaa qonccissanawu, Geeshsha Maxaafay goshshaabaa leemisuwaa goꞌettidi hagaadan gees: “Maallado guuran gidinkka omarssan, ne zerettaa zeriyoogaa aggoppa; aissi giikko, maalladoogee lo77anaa omarssaagee lo77anaa neeni erakka.”—Eranchchaa 11:6.

NEENI OYCHCHIYO GITA OYSHAA ZAARUWAA

GEESHSHA MAXAAFAY YOOTIYO MAARAA: “Akeekaa taayyo imma. . . . Ne qaalai. . . tuma.”—Mazamure 119:144, 160.

HEGEE WOYGIYOOGEE? Ubba asay oychchiyo oyshawu Geeshsha Maxaafay zaaruwaa immees. Leemisuwawu, kaallidi deꞌiya oyshatu malaa zaarees

Nuuni awuppe yiidoo?
Nuuni ha saꞌan deꞌiyoy aybissee?
Issi uri hayqqiyo wode waanii?
Deꞌo giyoogee hagaa xallee?

Kumetta alamiyan miilooniyan qoodettiya asay hageetunne hara oyshatu zaaruwaa Geeshsha Maxaafaappe pilggiyoogan ba deꞌuwaa loyttiis.

NEENI AY OOTTANA DANDDAYAY? Geeshsha Maxaafay tamaarissiyoobaa pilgga. Geeshsha Maxaafaa akeekanawu maaddanaadan Yihoowa Markkatuppe oonanne oychcha. Qassi jw.org/wal giyo nu websaytiyaa xomoosa, woy miishshaa qanxxennan oonikka shiiqana danddayiyo nu shiiqotuppe issuwaa shiiqa.

GEESHSHA MAXAAFAY YOOTIYO HARA MAARATA

Issi maccaasiyaa Geeshsha Maxaafaa Xannaˈna Koshshiyoy Aybissee? giyo biiduwaa jw.org sayttiyaappe beˈawusu — *Geeshsha Maxaafaa Xannaꞌna Koshshiyoy Aybissee?* giyo biiduwaa jw.org/wal sayttiyan beꞌa. Hegee 880⁠ppe dariya qaalan deꞌees

AYYAANAABAN NEESSI KOSHSHIYAABAA AKEEKA.

“Bantta ayyaanan hiyyeesa gididoogaa eriyaageeti anjjettidaageeta.”—MAATIYOOSA 5:3.

GEESHSHA MAXAAFAN ABAY ODETTIDO XOOSSAABAA LOYTTA TAMAARA.

‘Xoossaa koyidi demmanawu I nuuppe ooyyoonne haaho gidenna.’—OOSUWAA 17:27.

GEESHSHA MAXAAFAA NABBABANNE WOTTA DENTTA QOPPA.

‘Yihoowaa higgiyan I ufayttees; A higgiyaa gallassinne qammi qoppees. . . . I oottiyo ubbay awu hanees.’—MAZAMURE 1:2, 3.

a Geeshsha Maxaafay qonccissiyoogaadan Xoossaa sunttay Yihoowa.