Deꞌuwawunne Ufayssawu Maaddiya Aadhdhida Eratettaa
“Alamiyan deꞌiya iitatettaa hegeekka, olaa, hiyyeesatettaa, harggiyaanne naata naaqqiyoogaa taani beꞌiyo wode keehi azzaniyoogaappe attin, ayba hidootinne tawu baawa.”—RANO.a
Tumu aadhdhida eratettaa immana danddayiyay nuna medhdhida ubbaa danddayiya Xoossaa gidiyoogaa Rana erido wode keehi ufayttaasu. Kaalliya huuphe yohota nabbabiyo wode I tamaarissiyoobay xadeera odettidabatun nena waati maaddana danddayiyaakko akeeka.
Ufayssiya so asaa deꞌuwawu
Haratuura saruwan deꞌanawu
Deꞌiyaaban ufayttanawu
Nuuni waayettiyoynne hayqqiyo aybissakko eranawu
Nuna Medhdhidaagee meto ubba matan xayssidi ufayssiya deꞌuwaa nuussi immanaagaa ammanettanawu
Nuna Medhdhidaagaa eranawunne aara dabbotanawu
Qassi nuna Medhdhidaagee ba aadhdhida eratettaa amarida asa xallawu gidennan, hegaa koyiya ubbawu coo immiyoogaa neeni akeekana.
a Ha maxeetiyan issi issi asatu sunttay laamettiis.