Unꞌꞌissiyaabay Kumido Alamiyan—Waana Naagettana Danddayay?
Ha wodiyan alamiyan metoy keehi daridoogaa gaasuwan neeni waayettaydda deꞌay? Kaallidi deꞌiyaageetuppe ne deꞌiyoosan gakkiiddi deꞌiyaagee awugee?
olay
wurssiya harggee
meretay gattiyo daafabay
hiyyeesatettay
coo ixxiyoogee
danoy
Daganttiya metoy gakkiyo wode, daroti bizhggamoosonanne hidootaa qanxxoosona. Issoti issoti bizhggamiyo wode jollu goosona. SHin daafabay gakkiyo wode, bizhggamidinne jollu giidi daro wodiyaa takkiyoogee hanotati kaseegaappe yaa iitanaadan oottees.
Unꞌꞌissiyaabay merettiyo wode, ne siiqiyo asata, ne payyatettaa, neeyyo deꞌiya aquwaanne ne ufayssaa loytta naagana bessees.
Ha alamiyan kumida unꞌꞌissiyaabay nena daro qohennaadan neeni haꞌꞌi ay oottana danddayay?