Xoossaa Dabboti Oonee?

Yesuus Kiristtoosi Yihoowassi naꞌa, qassi matattiyaanne alꞌꞌo dabbo. Yesuusi asa gididi saꞌan deꞌanaappe kase, wolqqaama ayyaana mereta gididi saluwan deꞌiis. (Yohaannisa 17:5) Hegaappe simmidi asaa Xoossaabaa tumaa tamaarissanau saꞌaa yiis. (Yohaannisa 18:37) Azazettiya asaa naata nagaraappenne hayquwaappe ashshanau ba deꞌuwaakka immiis. (Roome 6:23) Yesuusi haꞌꞌi Xoossaa Kawotettaa Kawo, ha saluwa aysoy, biittaa Gannate oottiyaagaa.—Ajjuutaa 19:16.

Kiitanchchatikka Xoossaassi dabbo. Kiitanchchati deꞌiyoogaa doommidoy asaa naatudan saꞌana gidenna. Eti saluwan merettidoy Xoossay saꞌaa medhdhanaappekka kase. (Iyyooba 38:4-7) Miilooniyan qoodettiya kiitanchchati deꞌoosona. (Daaneela 7:10) Hageeti saluwan deꞌiya Xoossaa dabboti asay Yihoowaabaa tumaa tamaaranaadan koyoosona.—Ajjuutaa 14:6, 7.

Xoossaayyo saꞌankka dabboti deꞌoosona; i eta ba markkata yaagidi xeesees. Pirdda keettan markkatiya asi issi uraabaa woy issibaa eriyoobaa yootees. Yihoowa Markkati Yihoowaabaanne a halchchuwaabaa eriyoobaa haraatuyyo yootoosona. (Isiyaasa 43:10) Kiitanchchatuugaadan, Markkatikka neeni Yihoowaabaa tumaa tamaaranaadan maaddana koyoosona. Neenikka Xoossaa dabbo gidanaadan koyoosona.