Xoossay Immana Giido Ooratta Saꞌaa
GEESHSHA MAXAAFAY, xaafettida Xoossaa Qaalay kaallidi deꞌiyaagaadan nuuyyo hidootaa yootees: “Nuuni Xoossai immana giido ooratta saluwaanne ooratta sa7aa xilloi de7anasaa naagoos.”—2 PHeexiroosa 3:13.
‘Ooratta saloy’ aybee? Geeshsha Maxaafay saluwaa haaruwaara gattees. (Oosuwaa 7:49) ‘Ooratta saloy’ saꞌaa haarana ooratta kawotettaa. Ha wodiyan deꞌiya haaruwaa sohuwan haariyaagaa gidiyo gishshau ooratta; qassi Xoossaa halchoy polettanaadan oottiyoogankka ooratta. Hegee nuuni woossanaadan Yesuusi tamaarissido Kawotettaa. (Maatiyoosa 6:10) A Pulttoy saluwan deꞌiya Xoossaa gidiyo gishshau, “saluwaa kawotettaa” geetettidi xeesettees.—Maatiyoosa 18: 3.
‘Ooratta saꞌay’ aybee? Geeshsha Maxaafay saꞌay merinau deꞌiyo soho gidiyoogaa yootiyo gishshau, ooratta biittaa gidenna. ‘Ooratta saꞌay’ ooratta deretettaa. Iitati xayiyo gishshau saꞌay ooratta gidees. (Leemiso 2:21, 22) He wode deꞌiya ubbay Medhidaagaa bonchiyaagaanne au azazettiyaagaa; qassi i koyiyoobaara moggidi deꞌiyaagaa gidees. (Mazamure 22:27) Dere ubban deꞌiya asay Xoossay koyiyoobaa eranaadaaninne bantta deꞌuwan hegaara moggidi deꞌanaadan shoobettiiddi deꞌees. Neeni hegaadan oottaydda deꞌay?
Xoossay ehiyo ooratta alamiyan, ubba asay A haaruwaa bonchana. Xoossaa siiqiyoogee neeni au azazettanaadan denttettanee? (1 Yohaannisa 5:3) Hegee neeni son, oottiyo sohuwan woy timirtte keettan ne deꞌuwaa goꞌettiyo ogiyan qonccidi beettii?
He ooratta alamiyan, asaa naati tumu Xoossau goynniyo goynuwan issuwaa gidana. Saluwaanne saꞌaa Medhidaagau neeni goynnay? Asa zare ubbaappe, qommo ubbaappenne qaala ubbaappe yiidi, tumu ogiyan goynniyaageetuura neeni goynuwan issuwaa gidadii?—Mazamure 86:9, 10; Isiyaasa 2:2-4; Sofonaasa 3:9.
[Sinttaa 17n deꞌiya misiliyaa]
He Hidootaa Immida Xoossaa
I saluwaanne saꞌaa Medhidaagaa. I, Yesuus Kiristtoosi “issi Xoossaa” yaagidi qonccissidoogaa.—Yohaannisa 17:3.
Asaa naatuppe dariya baggay bau medhi ekkido xoossatussi bonchuwaa immees. Miilooniyan qoodettiyaageeti deꞌoy baynna misiliyau goynnoosona. Harati asaa dirijjitiyau, ayyaanaabaa gidenna qofau woy bantta koshshau xoqqa sohuwaa immoosona. Geeshsha Maxaafaa goꞌettoos giyaageetikka, an tumu “Xoossaa” geetettidaagaa sunttaa ubbati bonchokkona.—Zaarettido Wogaa 4:35.
Medhidaagee bana xeelliyaagan: “Taani Yihoowa; hegee ta sunttaa” yaagees. (Isiyaasa 42:5, 8, NW) He sunttay Geeshsha Maxaafay koyro xaafettido qaalan 7,000 gidiya sohuwan deꞌees. Yesuus Kiristtoosi bana kaalliyaageeti: “Saluwan de7iya nu Aawau, ne geeshsha sunttai anjjetto” giidi woossanaadan tamaarissiis.—Maatiyoosa 6:9.
Tumu Xoossau ay mala eeshshati deꞌiyoonaa? I babaa qonccissiiddi, “qaretainne maarotai kumido Xoossaa, danddayanchchaa, aggenna siiqoi daridoogaanne daro ammanettiyaagaa,” qassi a azazuwaa eriiddi kanttiyaageeta qaxxayennan aggennaagaa gidiyoogaa yootees. (Kessaabaa 34:6, 7) I asaa naata taarike wode ubban oyqqido hanotay, ha qonccissoy tuma gidiyoogaa bessees.
He sunttaynne he sunttaa goday bonchettanau woykko geeshsha gididi xeelettanau bessees. Medhidaagaa gidiyo gishshaunne saluwaaninne saꞌan Ubbabaa Haariyaagaa gidiyo gishshau, nuuni au azazettiyoogeenne au goynniyoogee bessiyaaba. Neeni hegaadan oottay?
[Sinttaa 18n deꞌiya misiliyaa]
‘Ooratta Saloynne Ooratta Saꞌay’ Ay Laame Ehaanee?
Saꞌay Gannatiyau laamettana Luqaasa 23:43
Alame yuushuwan asa zare ubbaappe, Yohaannisa 13:35;
qommo ubbaappenne qaala ubbaappe yiida Ajjuutaa 7:9, 10
asaa naati siiquwan issuwaa gidana
Alame yuushuwan sarotettay deꞌana; Mazamure 37:10, 11;
ubba asau tumu woppatettay deꞌana Mikiyaasa 4:3, 4
Loꞌꞌo oosoy deꞌana; kattay kumi palahana Isiyaasa 25:6; 65:17, 21-23
Sahoy, kayyoynne hayqoy xayana Isiyaasa 25:8;
Ajjuutaa 21:1, 4
Alamiyan deꞌiya asay tumu Xoossau Ajjuutaa 15:3, 4
goynniyoogan issuwaa gidana
[Sinttaa 19n deꞌiya misiliyaa]
He Anjjuwan Neeni Goꞌettanee?
Xoossay worddotenna!—Tiitu 1:2.
Yihooway: ‘Ta doonaappe kiyiya qaalay taani halchidoogaa polana; qassi kiittidoogaa oottanaappe attin, taakko coo simmenna’ yaagees.—Isiyaasa 55:11.
Yihooway ha wodiyankka ‘ooratta saluwaanne ooratta saꞌaa’ medhiiddi deꞌees. Saluwaa aysoy haꞌꞌi haariiddi deꞌees. ‘Ooratta saꞌaa’ baasoy baasettiis.
‘Ooratta saluwaanne ooratta saꞌaa’ baggaara asaa naatussi yaana maalaalissiyaabatuppe amaridaagaa Ajjuutaa maxaafay yooti simmidi, Xoossay, saluwaaninne saꞌan Ubbaa Haariyaagee bari huuphe: “‘Taani ubbabaa ooraxissais. . . . Taani haasayiyoogee ammanettiyaagaanne tuma gidiyo gishshau xaafa’ yaagiis” yaagees.—Ajjuutaa 21:1, 5.
Denttana bessiya oyshay, ‘Ooratta saloy’ haariyo ‘ooratta saꞌaa’ bagga gidanau koshshiya giigissuwaa oottiiddi deꞌiyoo? yaagiyaagaa.