SHaahuwaa 6
Iyyoobi Ba Suuretettaa Naagiis
Iyyoobi Xoossaa sinttan suure gidiyoogaa xeelliyaagan Seexaanay oyshaa denttiis; shin Iyyoobi Yihoowayyo ammanettidi deꞌiis
WOLQQAAMA paacee gakkiyo wodenne azazettiyoogee aquwaaban aybanne goꞌꞌennaba milatiyo wode, Xoossaayyo ammanettidi deꞌiya asi deꞌanee? Iyyooba giyo bitaniyaara gayttidaagaana ha oyshay denddiis; hegaa zaaroykka beettiis.
Israaꞌeeleti Gibxxen deꞌiyo wode, Abrahaama dabbo gidida Iyyoobi ha wodiyan Araba geetettiya biittan deꞌees. He wode, kiitanchati saluwan Xoossaa sinttan shiiqidosona; Seexaanaykka etaara shiiqiis. Yihooway he shiiquwan, ammanettida ba ashkkaraa Iyyooban ammanettiyoogaa yootiis. Yihooway Iyyoobadan suure gidida hara asi baynnaagaa yootiis. SHin Seexaanay, Iyyoobi Xoossaayyo oottiyoy Xoossay a anjjidonne naagido gishsha xallaassa yaagiis. Seexaanay, Iyyoobau deꞌiyaabay ubbay xayikko, i Xoossaa qanggana yaagiis.
Seexaanay koyro Iyyooba aquwaanne naata xayssanaadan, hegaappe simmin a payyatettaa qohanaadan Xoossay paqqadiis. Iyyoobi he ubbabaa Seexaanay oottiyoogaa akeekibeenna gishshau, he paacee ba bolli gakkanaadan Xoossay ayssi paqqadidaakko eribeenna. Gidikkokka, Iyyoobi Xoossaa mule qanggibeenna.
Heezzu worddo laggeti Iyyoobakko yiidosona. Iyyooba maxaafan xaafettida daro haasayatun, he asati Iyyoobi qosan oottido nagarau Xoossay qaxxayiiddi deꞌiyoobadan balan a ammanttanau malidosona. Xoossay ba ashkkaratu oosuwan ufayttenna; qassi eta ammanenna yaagidikka haasayidosona. Iyyoobi eta bala qofaa maayibeenna. Iyyoobi hayqqana gakkanaashin ba suuretettaa naaganaagaa ammanettidi qonccissiis!
SHin Iyyoobi suure gididi deꞌiyoogaa qonccissanau keehippe qoppidoogan baliis. Eta palamaa ubbaa ezggiiddi takkida Elihu giyo issi yelagay, Iyyoobinne a worddo laggeti balidobaa yootiis. Ubbaappe bollaara haarana bessiyay Xoossaa Yihoowa gidiyoogaa qonccissiyoogee issi ura suuretettaa qonccissiyoogaappe aadhiyoogaa Iyyoobi akeekibeenna gishshau, Elihu a seeriis. Elihu Iyyooba worddo laggetakka minttidi seeriis.
Hegaappe simmin, Xoossaa Yihooway Iyyooba qofaa suurissanau a haasayissiis. Yihooway maalaalissiya daro meretatubaa yootidi, Xoossaa gitatettaara gatti xeelliyo wode asay ay keena guuttakko Iyyoobi qoppanaadan oottiis. Xoossay a qofaa suurissanau yootidobaa Iyyoobi ashkketettan siyiis. Yihooway “maarotainne qaretai kumidoogaa” gidiyo gishshau, Iyyooba pattiisinne kaseegaappe naaꞌꞌu kushe dariya aquwaanne tammu naata immidi a anjjiis. (Yaaqooba 5:11) Iyyoobi wolqqaama paacee gakkishinkka Yihoowa sinttan ba suuretettaa naagidi deꞌiyoogan, asaa naati paacee gakkiyo wode Xoossau ammanettokkona giya Seexaanaa mootuwau bessiya zaaruwaa immiis.
—Iyyooba maxaafan baasettidaagaa.
◼ Seexaanay Iyyooba xeelliyaagan ayba mooto denttidee?
◼ Iyyoobi Yihoowa sinttan ba suuretettaa naagidoogan aybi qonccidee?
[Sinttaa 9n deꞌiya saaxiniyaa]
Denddida Gita Oyshata
Boree baynnanne Xoossau yayyiya Iyyoobi Xoossaa Yihoowassi oottiyoy ba goꞌꞌa xallaassa giidi Seexaanay mootiis; hara qoppiya meretati ubbay hegaa mala halchuwan oottiyaabadan oyshaa denttiis. Hegan, Seexaanay asaa naati Yihoowassi ammanettidaageeta gidiyoogan siree merettanaadan oottiis. Hegee, Yihooway ubbaappe bollaara haariyoy suurenne xillo ogiyaana gidiyoogaa xeelliyaagan Seexaanay Edenen denttido waanna oyshaa shaaho. Kiitanchatinne asaa naati ammanettidi deꞌiyoogan, ubbabaa haaranau bessiyay Yihoowa gidiyoogaa qonccissana danddayiyoogaa Iyyooba maxaafay yootees.
[Sinttaa 9n deꞌiya misiliyaa]
Doomettaabaa
Kessaabaa
Wogaabaa
Qoodaabaa
Zaarettido Wogaa
Yaasa
Daannatu
Uruto
1 Sameela
2 Sameela
1 Kawotu
2 Kawotu
1 Hanidabaa Odiya
2 Hanidabaa Odiya
Izira
Nahimiyaa
Asttiro
Iyyooba ●
Mazamure
Leemiso
Eranchchaa
Siiquwaa Sabaa
Isiyaasa
Ermmaasa
Ermmaasa Zilaassaa
Hizqqeela
Daaneela
Hoose7a
Yuu7eela
Amoxa
Abddiyyu
Yoonaasa
Mikiyaasa
Naahooma
Imbbaaqooma
Sofonaasa
Hagga
Zakkaariyaasa
Milkkiyaasa
Maatiyoosa
Marqqoosa
Luqaasa
Yohaannisa
Oosuwaa
Roome
1 Qoronttoosa
2 Qoronttoosa
Galaatiyaa
Efisoona
Piliphphisiyuusa
Qolasiyaasa
1 Tasalonqqe
2 Tasalonqqe
1 Ximootiyoosa
2 Ximootiyoosa
Tiitu
Pilimoona
Ibraawe
Yaaqooba
1 PHeexiroosa
2 PHeexiroosa
1 Yohaannisa
2 Yohaannisa
3 Yohaannisa
Yihudaa
Ajjuutaa