SHaahuwaa 21

Yesuusi Hayquwaappe Denddiis!

Yesuusi bana kaalliyaageeta tamaarissanaunne minttettanau etayyo qoncciis

YESUUSA duufuwaa qumꞌꞌido shuchaa gonddorssiichidoogaa, i hayqqoosappe heezzantta gallassi i erissiyoogeetuppe amarida maccaasati beꞌidosona. Qassi duufoykka mela deꞌees!

Naaꞌꞌu kiitanchati he wode qonccidosona. Etappe issoy: “Naazireeta Yesuusa intte koyeeta. I . . . denddiichchiis” yaagiis. (Marqqoosa 16:6) Sohuwaara macca asati kiitettidaageetuyyo yootanau biidosona. Eti biiddi ogiyan Yesuusaara gayttidosona. I: “Yayyoppite; taishantti Galiilaa baana mala, biidi etau yootite; eti tana yaani be7ana” yaagiis.—Maatiyoosa 28:10.

He gallassi guuttaa takkidi, naaꞌꞌu erissiyo ashkkarati Yerusalaameppe Emaahuusa giyo qeeri katamaa biiddi deꞌoosona. Eti erenna issi bitanee etaara gayttidi, eti haasayiyoobay aybakko oychiis. Hegee hayquwaappe denddida Yesuusa gidishin, koyro eti a gidiyoogaa akeekibookkona. Eti haasayiiddi deꞌiyoy Yesuusabaa gidiyoogaa azzanidi yootidosona. He imattay, Masiyaa xeelliyaagan Geeshsha Maxaafan deꞌiya ubbabaa etayyo qonccissiyoogaa doommiis. Yesuusi Masiyaa xeelliyaagan odettida hananabata ubbaa loyttidi poliis.a Erissiyo ashkkarati he imattay, hayquwaappe ayyaana mereta gididi denddida Yesuusa gidiyoogaa erido wode, i etappe geemmiis.

He naaꞌꞌu erissiyo ashkkarati sohuwaara Yerusalaame simmidosona. Kiitettidaageeti yan issi keettan kariyaa gorddidi shiiqidaageeta demmidosona. He wode he naaꞌꞌau asati Yesuusi banttau qonccidoogaa yootiiddi deꞌishin; i eta giddon beetti aggiis. I erissiyo ashkkarati keehippe garamettido gishshau, hegee etau tuma milatibeenna! Yesuusi: “Intte wozanan aissi sireetii?” yaagiis. “Xoossaa maxaafati giyoogee etassi gelana mala, . . . ‘I waayettanaunne heezzantta gallassi haiquwaappe denddanau bessees’” yaagiis.—Luqaasa 24:38, 46.

Yesuusi hayquwaappe denddi simmidi, 40u gallassau ba erissiyo ashkkaratuyyo dumma dumma wode qoncciis. Issi wode, i 500ppe dariyaageetuyyo qoncciis! “Intte biidi, asa ubbaa tana kaalliyaageeta oottite; . . . Taani inttena azazidobaa ubbaa eti naagana mala, eta tamaarissite; taani wodiyaa wurssettai gakkanaassikka ubba wode inttenaara de7iyoogaa akeekite” yaagiya ha gita aawatettaa immidoy he wode malatees.— Maatiyoosa 28:19, 20.

Ammanettida ba kiittido 11tuura gayttido wurssetta wode, Yesuusi hagaadan qaalaa geliis: “Geeshsha Ayyaanai intte bolli wodhdhiyo wode, wolqqaa intte ekkana; . . . sa7aa gaxaa gakkanaashinkka taassi markkattiyaageeta gidana.” (Oosuwaa 1:8) Hegaappe guyyiyan, Yesuusi eti xeellishin, xoqqu xoqqu giiddi, saluwaa bin, eta ayfiyaappe shaaray a genttiis.

—Maatiyoosa shemppo 28n; Marqqoosa shemppo 16n; Luqaasa shemppo 24n; Yohaannisa shemppo 20⁠ninne 21n; 1 Qoronttoosa 15:5, 6n baasettidaagaa.

◼ Xoossay Yesuusa hayquwaappe denttidoogaa Yesuusi erissiyo ashkkarati waatidi eridonaa?

◼ Emaahuusa biiddi deꞌiya naaꞌꞌu erissiyo ashkkaratuyyo Yesuusi ay qonccissidee?

◼ Yesuusi saluwaa baanaappe kasse ayba azazuwaa ba erissiyo ashkkaratuyyo immidee?

[Tohossa qofaa]

[Sinttaa 24n deꞌiya saaxiniyaa]

Geeshsha Ayyaanaa

Xoossaa geeshsha ayyaanay keehi gita wolqqa. Saluwaanne saꞌaa medhanau, qassi Geeshsha Maxaafaa xaafidaageeta kaalettanau Xoossaa Yihooway ba wolqqaa, geeshsha ayyaanaa goꞌettiis. Keehippe maalaalissiya oosuwaa, giishin Yesuus Kiristtoosa hayquwaappe ayyaana mereta oottidi denttidoogaa gujjin, Geeshsha Maxaafan qonccida, hanno gakkanau beꞌido maalaalissiya oosoti polettidoy geeshsha ayyaanaana.— Doomettaabaa 1:2; 2 Sameela 23:2; Oosuwaa 10:38; 1 PHeexiroosa 3:18.

[Sinttaa 24n deꞌiya misiliyaa]

Doomettaabaa

Kessaabaa

Wogaabaa

Qoodaabaa

Zaarettido Wogaa

Yaasa

Daannata

Uruto

1 Sameela

2 Sameela

1 Kawotu

2 Kawotu

1 Hanidabaa Odiya

2 Hanidabaa Odiya

Izira

Nahimiyaa

Asttiro

Iyyooba

Mazamure

Leemiso

Eranchchaa

Siiquwaa Sabaa

Isiyaasa

Ermmaasa

Ermmaasa Zilaassaa

Hizqqeela

Daaneela

Hoose7a

Yuu7eela

Amoxa

Abddiyyu

Yoonaasa

Mikiyaasa

Naahooma

Imbbaaqooma

Sofonaasa

Hagga

Zakkaariyaasa

Milkkiyaasa

● Maatiyoosa

● Marqqoosa

● Luqaasa

● Yohaannisa

Oosuwaa

Roome

1 Qoronttoosa

2 Qoronttoosa

Galaatiyaa

Efisoona

Piliphphisiyuusa

Qolasiyaasa

1 Tasalonqqe

2 Tasalonqqe

1 Ximootiyoosa