SHAAHO 4

Seexaanay Yootiyoobaa Siyidoogee Ay Kaalettidee?

Addaameenne Hewaana Xoossau azazettennan ixxido gishshau hayqqidosona. Doomettaabaa 3:6, 23

Hewaana mooppite giidi mittaa teeraa maasu, qassi amaridaagaa Addaamessi immawusu

Hewaana shooshshay yootidobaa siyada he mittaa ayfiyaappe maasu. Hegaappe simmada Addaameyyo immin, ikka miis.

Addaameenne Hewaana bantta keettaa Gannatiyaappe kiyoosona

Eti oottidobay bessennaba, giishin nagara. Xoossay eta Gannatiyaappe yedettiis.

Deꞌoy etassinne eta naatussi metiyaagaa gidiis. Eti ceeggidi hayqqidosona. Eti saluwaa bibookkona; deꞌuwan deꞌokkona.

Biittaa baanau deꞌoy baynnaagaadan, hayqqidaageeti deꞌuwan deꞌokkona. Doomettaabaa 3:19

dumma dumma wodiyan dumma dumma wogan deˈiya asaa

Nuuni ubbay Addaameppenne Hewaanippe yelettido gishshau hayqqoos. Hayqqidaageeti beꞌanau, siyanau woykko aybanne oottanau danddayokkona.—Eranchchaa 9:5, 10.

Asay hayqqanaadan oottiyay Yihoowa gidenna. I hayqqidaageeta mata wode denttana. Eti i yootiyoobaa siyikko, merinau deꞌana.