SHAAHO 5

Bashshaa Haattaa—Xoossay Yootiyoobaa Siyidaageeti Oonee? Siyibeennaageetishin?

Nohe wode deꞌida daroti iitabaa oottidosona. Doomettaabaa 6:5

Iita kiitanchati ashuwaa maayidi macca asaara zin’’idosona

Addaameenne Hewaana naata yelidosona; saꞌan asay corattiis. Guyyeppe amarida kiitanchati Seexaanaara exatidi makkalidosona.

Eti saꞌaa yiidi asaagaa mala asatettaa maayidosona; yaatidi maccaasaa ekkidosona. He maccaasati asaagaappe aadhiya wolqqay deꞌiyo, meqettaa iitanne wolqqaama naata yelidosona.

Maccaasiyaa na’ay na’iyo dechiyo gishshawu o tookkaasu; iita kiitanchati yelido naati, Nefiliimeti danobaa oottoosona

Saꞌay iitabaa oottiya asan kumiis. Geeshsha Maxaafay, “Sa7aa bollan de7iya asaa iitatettai daridoogaanne eti wozanan qoppiyoobai ubbai ubba wodekka iita xalaala” gidiyoogaa yootees.

Nohee Xoossay yootiyoobaa siyidi markkabiyaa keexxiis. Doomettaabaa 6:13, 14, 18, 19, 22

Nohee loꞌꞌo asa. Yihooway bashsha haattan iita asaa xayssanaagaa ayyo yootiis.

Noheenne a keettaa asay markkabiyaa keexxees

Xoossay Nohee issi gita markkabiyaa keexxanaadan, qassi ba soo asaa, ubba qommo mehiyaanne doꞌaa markkabiyan gelissanaadankka yootiis.

Nohee sinttappe bashshay yaanaagaa yootiyo wode asay a bolli miiccees

Nohee yaana Bashshaa Haattaabaa asau yootiis; shin eti i yootiyoobaa siyibookkona. Issoti issoti Nohe bolli qilliiccidosona; harati a ixxidosona.

Noheenne a soo asay meedoosati markkabiyan gelanaadan shiishshoosona

Markkabee keexettidi wurido wode, Nohee mehiyaanne doꞌaa a giddo gelissiis.