Yesuusa Hayqoy Nena Waatidi Goꞌꞌii?

Yesuusi nuuni deꞌuwaa demmanaadan hayqqiis. Yohaannisa 3:16

Yesuusi hayqqoosappe heezzu gallassay aadhi simmin, amarida maccaasati a duufuwaakko biyo wode a duufoy mela deꞌees. Yihooway Yesuusa hayquwaappe denttiis.

Hegaappe simmin, Yesuusi ba kiittidoogeetussi qoncciis.

Yihooway Yesuusa hayqqenna wolqqaama ayyaana mereta oottidi hayquwaappe denttiis. Yesuusi saluwaa biishin i erissiyo ashkkarati beꞌidosona.

Xoossay Yesuusa hayquwaappe denttidi, Xoossaa Kawotettaa Kawo oottiis. Daaneela 7:13, 14

Yesuusi asaa naata wozanau ba deꞌuwaa aatti immiis. (Maatiyoosa 20:28) Xoossay he wozuwaa baggaara nuuni merinaa deꞌuwaa demmiyo ogiyaa dooyiis.

Yesuusi Kawo gididi saꞌaa haaranaadan Yihooway sunttiis. Saluwan deꞌanau hayquwaappe denddiya 144,000 ammanettida asati aara issippe deꞌana. Geeshsha gidida saluwaa aysuwan—Xoossaa Kawotettan haariyaageeti Yesuusanne 144,000ta.—Ajjuutaa 14:1-3.

Xoossaa Kawotettay saꞌaa gannate oottana. Olay, danoy, hiyyeesatettaynne koshay xayana. Asay tumuppe ufayttana.—Mazamure 145:16.