SHAAHO 9

Saꞌay Gannate Gidanay Awudee?

Saꞌan deꞌiya metoy Xoossaa Kawotettay matan yaanaagaa bessees. Luqaasa 21:10, 11; 2 Ximootiyoosa 3:1-5

Wurssetta gallassatun metoy darees—ceeriyaa, olaa, harggiyaa, qumay qaxuhatiyoogaa, yelidaageetussi azazettennan ixxiyoogaanne son gakkiya qohuwaa

Ha wodiyan hanettiiddi deꞌiyaabatuppe daruwaa Geeshsha Maxaafay kasetidi yootiis. Geeshsha Maxaafay asati miishshaa siiqiyaageeta, yelidaageetuyyo azazettennaageeta, kehennaageetanne ufayttiyoobaa dosiyaageeta gidanaagaa yootees.

Biittay wolqqappe qaaxxanaagee, olay, koshaynne wurssiya harggee denddanaagee odettiis. Ha wodiyan hegee polettiiddi deꞌees.

Issi Yihoowa Markkay Kawotettaa mishiraachuwaa issi bitaniyawu sabbakees

Yesuusi Kawotettaa mishiraachoy saꞌa ubban odettanaagaakka yootiis.—Maatiyoosa 24:14.

He Kawotettay iita asa ubbaa xayssana. 2 PHeexiroosa 3:13

Mata wode Yihooway iita asa ubbaa xayssana.

Seexaanaynne daydanttati qaxxayettana.

Yesuusi saluwan ba araatan uttiis; qassi dumma dumma qommo asay ufayttees

Xoossay yootiyoobaa siyiyaageeti, yashshiyaabi baynna, asay issoy issuwaa ammaniyoonne siiqiyo, xillotettay deꞌiyo ooratta alamiyan deꞌana.