Sinttappe Aybi Hanana Gaada Qoppay?

GEESHSHA MAXAAFAY YOOTIYOOBAA

“Xoossai eta aifiyaappe afutta ubbaa quccana. Hagaappe sinttanau haiqoinne kayyoi woi waasoinne sahoi de7enna. Aissi giikko, ceegabai xayiis.”—Ajjuutaa 21:3, 4.

HEGAA AMMANIYOOGEE NEENA GOꞌꞌIYO OGIYAA

Neeni ufayssiyaanne loꞌꞌo oosuwaa oottana.—Isiyaasa 65:21-23.

Ay qommo harggeenne waayee attana.—Isiyaasa 25:8; 33:24.

Ne soo asaaranne laggetuura merinau ufayttada deꞌana.—Mazamure 37:11, 29.

GEESHSHA MAXAAFAY YOOTIYOOBAA AMMANANA DANDDAYIYOO?

Ee, hegau guuxxiis giishin naaꞌꞌu gaasoy deꞌees:

• Xoossay qaalaa gelidobaa polana danddayees. Geeshsha Maxaafan Xoossaa Yihoowa xallay “Ubbaappe Wolqqaama” geetettiis; ayssi giikko, a wolqqau zawi baawa. (Ajjuutaa 15:3) Yaatiyo gishshau, ha alamiyaa giigissanau ba gelido qaalaa polana danddayees. Geeshsha Maxaafay, “Xoossau ubbabai danddayettees” yaagees.—Maatiyoosa 19:26.

• Xoossay qaalaa gelidobaa polanau koyees. Leemisuwau, Yihooway hayqqida asaa denttanau ‘laamotees.’—Iyyooba 14:14, 15.

  Geeshsha Maxaafay, Xoossaa Naꞌay Yesuusi harggidaageeta pattidoogaa yootees. I hegaa oottidoy koyiyo gishshataassa. (Marqqoosa 1:40, 41) Yesuusi ba Aawaagaadan metootidaageeta maaddanau koyiis. —Yohaannisa 14:9.

  Yaatiyo gishshau, Yihoowaynne Yesuusi sinttappe nuuni ufayssiya deꞌuwaa demmanaadan maaddanau koyiyoogaa ammanettana danddayoos! —Mazamure 72:12-14; 145:16; 2 PHeexiroosa 3:9.