Yelaga Yesuusa

Yooseefinne Mayraama Yesuusaaranne hara bantta attuma naatuuranne macca naatuura Naazireete kataman deꞌidosona. Yooseefi anaaxe gididi oottiyoogan so asawu koshshiyaabaa kunttiis; qassi i Yihoowabaanne a Higgiyaa eta tamaarissiis. So asay goynuwawu ubba wode Ayhuda woosa keetti bees; qassi layttan layttan Paasikaa Baalaa bonchanawu Yerusalaame bees.

WYesuusayyo layttay 12 gidiyo wode, eta soo asay haroodeegaadan adussa ogiyaa Yerusalaame biis. Paasikaa Baalaa bonchanawu yiida asay kataman kumiis. Hegaappe guyyiyan, Yooseefinne Mayraama eti Yesuusi ogiyaa asaara issippe deꞌees gi qoppidi, bantta soo biyoogaa doommidosona. SHin eti a bantta dabbotu giddon koyidi, demmana danddayibookkona.

Eti Yerusalaame guyye simmidi bantta naꞌaa heezzu gallassawu koyidosona. Wurssettan, eti Xoossaa garuwa biidosona. Yesuusi asttamaaretuppe loytti siyiiddinne eta oychiiddi eta giddon uttiis. Asttamaareti Yesuusaban keehi garamettidi, a oyshaa oychiyoogaa doommidosona. Qassi eti a zaaruwan maalaalettidosona. I Yihoowa Higgiyaa eriyoogaa eti akeekidosona.

Yooseefinne Mayraama keehi hirggidosona. Hegaa gishshawu Mayraama, ‘Ta naꞌawu, nuuni nena ubbasan koyida! Neeni awu baadii?’ yaagaasu. Yesuusi, ‘Taani hagan ta Aawaa keettan deꞌanawu bessiyoogaa erekketii?’ yaagiis.

Yesuusi ba aawaaranne aayeera Naazireeten deꞌiya bantta soo biis. Yesuusi anaaxe gididi waati oottanaakko Yooseefi tamaarissiis. Yesuusi yelagatettan ay mala asa gaada neeni qoppay? Yesuusi diccido wode, kaseegaappe aadhida erancha gididi, Xoossaaninne asan sabettiis.