Yesuusi Mase Gidiis

JYohaannisi, ‘Taappe aadhiyaagee yiiddi deꞌees’ yaagidi sabbakiis. Yesuusi bawu layttay 30 heera gidido wode, Galiilappe Yohaannisi asaa haattan muukkiyo, Yorddaanoosa SHaafaa yiis. Yesuusi bana Yohaannisi muukkanaadan koyiis; shin Yohaannisi, ‘Taani nena muukkana koshshenna. Neeni tana muukkana koshshees’ yaagiis. Yesuusi Yohaannisawu, ‘Neeni tana muukkanaadan Yihoowi koyees’ yaagiis. Yaatiyo gishshawu eti Yorddaanoosa SHaafaa gelidosona; gelin Yohaannisi Yesuusa muumeera haattan muukkiis.

Yesuusi haattaappe kiyidoogaappe guyyiyan woossiis. I woossiyo wode, saloy dooyettin, Xoossaa ayyaanay haraphedan a bolli wodhiis. Hegaappe guyyiyan Yihoowi saluwaappe hagaadan giis: “Taani siiqiyo ta Na7ai nena; tana nebai ufaissees.”

Yihoowa ayyaanay Yesuusa bolli wodhido wode, i Kiristtoosa woy Mase gidiis. Yesuusi i saꞌan oottanaadan Yihoowi kiittido oosuwaa oottiyoogaa doommana.

Yesuusi haattan muuketti simmidi sohuwaara bazzo biidi, 40 gallassaa yan takkiis. I simmiyo wode, Yohaannisa beꞌanawu biis. Yesuusi akko yiido wode, Yohaannisi, ‘Xoossaa dorssay, saꞌaa nagaraa xayssiyaagee, hageeho!’ yaagiis. Yaagidi, Yohaannisi Yesuusi Mase gidiyoogaa asay eranaadan oottiis. Yesuusi bazzon deꞌiyo wode a aybi gakkidaakko neeni eray? Ane beꞌoos.