XINAATE 15

Yootiyoobaa Ammaniyoogaa Bessa

1 Tasalonqqe 1:5

TAMAARANABAA: Tumaa minttada ammaniyoogaanne neeni yootiyoobay keehi koshshiyaaba gidiyoogaa bessa.

Loyttada Giigetta. Waanna qofay aybakko, qassi hegee tuma gidiyoogaa Geeshsha Maxaafay waati qonccissiyaakko akeekana gakkanawu he allaalliyaa xannaꞌa. Ne haasayaa waanna qofata akeekanawu metenna amarida qaalatun qonccissanawu mala. Hegee ezggiyaageeta waati maaddanaakko qoppa. Geeshsha ayyaanaa demmanawu woossa.

Qofaa loyttada hassayanawunne loytta qonccissanawu cenggurssaa xoqqu oottada meezeta.
Ammaniyoogaa bessiya qaalata goꞌetta. Xaafetti uttidaagaadan haasayiyoogaappe ne qofaappe haasaya. Neeni yootiyoobaa wozanappe ammaniyoogaa bessiya ogiyan haasaya.
Wozanappe yoota. Asawu siyettiya cenggurssan haasaya. Ezggiyaageeta yeellayennaba gidikko, eta xeellaydda haasaya.

Yootiyoobaa ammaniyoogaa bessiyoogee akeeki baynna ogiyan woy asay nuugaadan qoppanaadan giddiyoogan haasayiyoogaappe dummatees. Wozanappe haasayiyaaba gidikkokka, ezggiyaageeti ekkiyo ogiyan siiquwan haasaya.