Geeshsha Maxaafaa Nabbabiyoogan Keehi Goꞌettanawu Waatana Danddayay?

Neeni issi gitabaa oottanawu koyikkonne, hegee keehi deexxiyaaba gaada qoppa eray? Nena deexxennaadan guuttaa guuttaa oottennan aggakka. Geeshsha Maxaafaa nabbabiyoogeekka hegaara issi mala. ‘Ha gita oosuwaa waata doommoo?’ gaada oychchana danddayaasa. Geeshsha Maxaafaa nabbabiyoogaaninne xannaꞌiyoogan ufayttanaadan nena maaddana danddayiya amaridabata neeni ha timirttiyan xannaꞌana.

1. Nuuni Geeshsha Maxaafaa ubbatoo nabbabana koshshiyoy aybissee?

Geeshsha Maxaafaa woy ‘Yihoowa higgiyaa’ ubbatoo nabbabiya uri ufayttananne awu ubbabay injjetana. (Mazamure 1:1-3 nabbaba.) Galla galla guutta daqiiqawu nabbabiyoogan doomma. Neeni Xoossaa Qaalaa loytta eriyo wode, A nabbabiyoogan keehi ufayttana.

2. Geeshsha Maxaafaa nabbabiyoogan neeni goꞌettanaadan aybi maaddanee?

Nuuni Geeshsha Maxaafaa nabbabiyoogan loytti goꞌettanawu, nabbabidobaa takki giidi qoppana koshshees. Nuuni A nabbabananne wotti dentti ‘qoppana’ koshshees. (Yaasa 1:8) Nabbabiyo wode nena hagaadan oychcha: ‘Xoossaa Yihoowabaa hagaappe ay tamaariyaanaa? Ta deꞌuwan hagaa waata goꞌettana danddayiyaanaa? Harata maaddanawu ha xiqiseta waata goꞌettana danddayiyaanaa?’

3. Geeshsha Maxaafaa nabbabanawu wodiyaa waata demmana danddayay?

Neeni Geeshsha Maxaafaa nabbabiyo wodiyaa demmanawu metootay? Daroti metootoos. ‘Ne loꞌꞌo wodee coo xayenna mala’ baaxeta. (Efisoona 5:16) Geeshsha Maxaafaa ubba galla nabbabanawu wodiyaa bazziyoogan hegaadan oottana danddayaasa. Amaridaageeti guuran, harati gallassi, geella laaxaa shemppuwaa wode, qassi issoti issoti xiskkanaappe kase omarssi Geeshsha Maxaafaa nabbaboosona. Neeyyo keehi injjetiya wodee awugee?

LOYTTA AKEEKA

4. Geeshsha Maxaafaa nabbabiyoogan ufayttanawu waatuutee?

Geeshsha Maxaafaa nabbabiyoogaa doommiyoogee metana danddayees. Neeni ma erenna qumaa guyyeppe meezetada dosana danddayiyoogaadan, Geeshsha Maxaafaa nabbabiyoogaakka meezetada dosana danddayaasa. Koyro PHeexiroosa 2:2 nabbabite; yaatidi ha oyshaa tobbite:

• Neeni Geeshsha Maxaafaa ubba galla nabbabikko, hegan ufayttananne gujja gujja nabbabanawu koyana gaada qoppay?

BIIDUWAA beꞌite; yaatidi amarida asati Geeshsha Maxaafaa nabbabiyoogan ufayttiyoogaa waani doommidaakko akeekite. Qassi kaallidi deꞌiya oyshata tobbite.

BIIDUWAA: Yelagati Xoossaa Qaalaa Dosiyoogaa Tamaaridosona (5:33)

• Yelagati ay paaceta xoonidoogaa biiduwaappe akeekadii?

• Geeshsha Maxaafaa ubbatoo nabbabanaadan eta maaddidabay aybee?

• Geeshsha Maxaafaa nabbabiyoogan keehi ufayttanawu eti waatidonaa?

Doommanawu nena maaddiyaabata:

• Ha wodiyaa qaalan likke birshshettida Geeshsha Maxaafaa doora. Ne qaalan woy ne loytta eriyo hara qaalan deꞌikko, Ooratta Alamiyaa Birshshettaa nabbaba.

• Nena keehi ufayssiyaabaa nabbabiyoogan doomma. Maaddiyaabaa demmanawu, “Geeshsha Maxaafaa Ubba Galla Nabbaba” giya sanxxarazhiyaa xeella.

• Neeni nabbabidoban malaataa wotta. Ha maxaafan deꞌiya “Geeshsha Maxaafaappe Ay Nabbabidaakko Malaataa Wotta” giya sanxxarazhiyaa goꞌetta.

• JW Library^® aplikeshiniyaa goꞌetta. Zammaana silkkiyan woy hegaa mala haraban appe Geeshsha Maxaafaa awaaninne nabbabananne siyana danddayaasa.

• Xoossaa Qaalaa Xannaꞌanawu MaaddiyaabaaOoratta Alamiyaa Geeshsha Maxaafaa Birshshettaa keehi dosoos; ayssi giikko, he birshshettay likke, qoncce, qassi Xoossaa sunttaa goꞌettees.—Nu websaytiyan deꞌiyaaba xeella “Yihoowa Markkati Birshshido Geeshsha Maxaafay Deꞌꞌii?”

5. Xannaanawu giigetta

Mazamure 119:34 nabbabite; yaatidi ha oyshaa tobbite:

• Geeshsha Maxaafaa nabbabanaappe woy xinaatiyawu giigettanaappe kase woossiyoogee loo gidiyoy aybissee?

Xannaiyo wode ubban keehi goettanawu waatana danddayay? Ha maxaafaappe issi timirttiyaa giigettiyo wode, kaallidi deiyaabaa oottanawu mala:

1. Timirttiyawu doomettan deiya menttota nabbaba.

2. Xiqiseta kessada nabbaba; qassi menttuwan deiya qofaara waani gayttiyaakko akeekanawu mala.

3. Oyshatu ubbawu zaaro gidiya qaalata malaata; yaatiyoogee xannaissiyaagaara tobbanawu nena maaddana.

Hagaa eray?

Yihoowa Markkati dumma dumma Geeshsha Maxaafaa birshshettata goettidosona. SHin nuuni Ooratta Alamiyaa Geeshsha Maxaafaa Birshshettaa keehi dosoos; ayssi giikko, he birshshettay likke, qoncce, qassi Xoossaa sunttaa goettees.—Nu websaytiyan deiyaaba xeella “Yihoowa Markkati Birshshido Geeshsha Maxaafay Deii?”

AY AKEEKADII?

Geeshsha Maxaafay nena keehi goꞌꞌana mala, A nabbabanawu wodiyaa bazza, nabbabiyoobaa akeekanawu woossa, qassi xannaꞌanawu giigetta.

Zaaretuwaa

• Geeshsha Maxaafaappe keehi goꞌettanawu nena maaddanabay aybee?

• Geeshsha Maxaafaa nabbabanawunne xannaꞌanawu wodiyaa awude demmana danddayay?

• Xinaatiyawu giigettiyoogee loꞌꞌo gidiyoy aybissee?

PILGGA

Geeshsha Maxaafaa nabbabiyoogan loytta goꞌettanawu nena maaddana danddayiya amaridabata zaaretta.

“Geeshsha Maxaafaa Nabbabidi Waani Loytti Goꞌettanee?” (Wochchiyo Keelaa Paydo 1 2017)

Geeshsha Maxaafaa nabbabiyo heezzu ogeta akeeka.

“Geeshsha Maxaafay Tana Waati Maaddanee?—SHaaho 1: Geeshsha Maxaafaa Pilgga” (Nu websaytiyan deꞌiyaaba)

Geeshsha Maxaafaa nabbabiyoogan waana ufayttanaakko akeeka.

“Geeshsha Maxaafay Tana Waati Maaddanee?—SHaaho 2: Geeshsha Maxaafaa Nabbabiyoogan Ufaytta” (Nu websaytiyan deꞌiyaaba)

Geeshsha Maxaafaa daro layttawu nabbabidaageetubaappe xannaꞌanawu maaddiyaabaa akeeka.

Loytti Xannaꞌiyoogaa (2:06)