Yesuusi Babaa Ay Tamaarissidee?

“Yesuusi ba oonatettaa, i yiidosaa, ha alamiyaa yiido gaasuwaanne ba sinttanaa hidootaa xeelliyaagan aybanne siribeenna.”—HERBERT LOKER GIYO XAAFIYAA.

NUUNI Yesuusi tamaarissidobaa ammanidi ekkanaappe kase, abaa amaridabaa erana koshshees. Yesuusi tumuppe oonee? I awuppe yiidee? A deꞌuwaa halchoy aybee? Maatiyoosa, Marqqoosa, Luqaasanne Yohaannisa Wonggeletun Yesuusi haasayishin ezggiyoogaa mala hanotan ha oyshatuyyo zaaruwaa demmana danddayoos.

I saꞌan yelettanaappekka kase deꞌees Yesuusi issi wode: “Abrahaami yelettanaappekka kase taani de7ais” yaagiis. (Yohaannisa 8:58) Abrahaami Yesuusi yelettanaappe 2,000 laytta gidiyaagaa kasetidi deꞌiis. Gidikkokka, ammanettida Abrahaami deꞌido wodiyaappe kasekka Yesuusi deꞌees. Gidoppe attin, Yesuusi deꞌidoy awaanee? I: ‘Taani saluwaappe yaas’ yaagiis.—Yohaannisa 6:38.

Xoossaa Naꞌaa Yihoowa naata gidida daro kiitanchati deꞌoosona. SHin, Yesuusi dumma. I “Xoossaa Na7aa issuwaa” gidiyoogaa yootiis. (Yohaannisa 3:18) Hegaa giyoogee Yesuusi Xoossay ba huuphe medhidoogaa giyoogaa. Xoossaa Naꞌaa issoy Xoossay hara mereta ubbaa a bagaara medhidoogaa.—Qolasiyaasa 1:16.

‘Asa Naꞌaa’ Yesuusi xeesettiyo hara sunttaappe aaruwan hagaa darotoo goꞌettiis. (Maatiyoosa 8:20) Yaatiyoogan, i ashuwaa maayida kiitancha woy asa gidida Xoossa woy asa gidida ayyaana mereta gidennaagaa bessiis. I muleera asa. Xoossay ba geeshsha ayyaanaa baggaara ba Naꞌaa deꞌuwaa saluwaappe geelaꞌo Mayraami uluwau aattidi a shahaaranaadan oottiis. Hegaa gishshau, Yesuusi nagari baynna polo asa gididi yelettiis.—Maatiyoosa 1:18; Luqaasa 1:35; Yohaannisa 8:46.

Yaana geetettida Masiyaa Samaariyaa biittaa maccaasiyaa Yesuusayyo, “Kiristtoosa giyo masee yaanaagaa taani erais” yaagaasu. Yaagin Yesuusi: “Ha nenaara haasayiya taani a” yaagiis. (Yohaannisa 4:25, 26) “Masiyaa” giya qaalay “Kiristtoosa” giya qaalaadan “Tiyettidaagaa” giyoogaa. Xoossay gelido qaalaa poliyoogan baayyo deꞌiya gita aawatettaa kiyanau Yesuusi tiyettiis woy sunttettiis.

I saꞌaa yiido waanna gaasuwaa Yesuusi issi wode: “Taani hara kataman de7⁠iya asaukka Xoossaa kawotettaa wonggeliyaa mishiraachchuwaa yootanau bessees” yaagiis. (Luqaasa 4:43) Yesuusi hiyyeesatuyyo loꞌꞌo gidida darobaa oottidaba gidikkonne, a deꞌuwan waanna oosoy Xoossaa Kawotettaabaa sabbakiyoogaa. He Kawotettaabaa i tamaarissidobaa guuttaa takkidi beꞌana.

Yesuusi coo asa gidennaagee qoncce.a Nuuni beꞌanaagaadan, i saꞌan tamaarissidobau keehi goꞌꞌiday saluwan deꞌido deꞌuwaa. Alamiyan deꞌiya darotu deꞌuwaa laammiya timirttiyaa i tamaarissidoogee garamissiyaaba gidenna.

[Tohossa qofata]