Wachtawur ONLAYN LAYBREERIYAA
Wachtawur
ONLAYN LAYBREERIYAA
Wolayttattuwa
  • GEESHSHA MAXAAFAA
  • XUUFETA
  • SHIIQOTA
  • w15 1/1 sin. 6
  • Xoossay Nena Oychiyoobaa Oottay?

Ne dooridoogan biidoy baawa.

Atto ga, biiduwaa bessiyoode balay merettiis.

  • Xoossay Nena Oychiyoobaa Oottay?
  • Yihoowa Kawotettaa Erissiya Wochiyo Keelaa—2015
  • Issi Mala Qofaa
  • Yihoowa Dabbo Gidana Danddayaasa
    Merinawu Ufayttada Deꞌa!—Geeshsha Maxaafaa Xannaꞌa
  • Yihooway Qaalaa Gelidobaa Ammana
    Yihoowa Kawotettaa Erissiya Wochiyo Keelaa (Xannaꞌiyoogaa)—2016
  • Neeni Aggennan Geeshsha Maxaafaa Xannaꞌana Koshshiyoy Aybissee?
    Xoossaappe Yiya Mishiraachuwaa!
  • Neeni Tumuppe ‘Xoossaakko SHiiqana’ Danddayay?
    Yihoowakko SHiiqa
Gujjada Beꞌa
Yihoowa Kawotettaa Erissiya Wochiyo Keelaa—2015
w15 1/1 sin. 6
Maccaasiyaa tookkidobaa maaddiya bitaniyaa

SINTTA HUUPHE YOHUWAA | XOOSSAAKKO SHIIQANA DANDDAYAASA

Xoossay Nena Oychiyoobaa Oottay?

“Neeni dosiyoobay ayba gidikkonne, neeni yootikko taani hegaa ufayttada oottana.” Neeni mule erenna urawu woy coo erettiyo urawu hegaadan gaada yootanawu mammottennan waaya aggana. SHin, neeni siiqiyo laggiyawu hegaadan yootanawu waaya metootana. Mata laggee ba laggee oychidobaa polanawu koyiyoogee erettidaba.

Yihooway baassi goynniyaageeta ufayssiyaabaa ubbatoo oottiyoogaa Geeshsha Maxaafay yootees. Leemisuwawu, Xoossawu mata dabbo gidida Kawuwaa Daawiti, “Abeet GODAU, ta Xoossau, neeni daro maalaalissiyaabaa oottadasa; . . . Neeni nuuyyo qoppido lo77o qofaa ooninne qoodanau danddayenna” yaagiis. (Mazamure 40:5) Hegaappekka aaruwan, Yihooway bana erennaageetussikka ‘qumaa immidi, eta daro ufayssiyoogan’ etawu loꞌꞌobaa oottees.—Oosuwaa 14:17.

Nuuni siiqiyoogeetussinne bonchiyoogeetussi maaddiyaabaa ufayttiiddi oottoos

Yihooway harata ufayssiyaabaa oottiyoogan ufayttiyo gishshawu, Xoossaa dabbo gidanawu koyiyaageeti ‘a ufayssiyaabaa’ oottoosona giidi qoppiyoogee bessiyaaba. (Leemiso 27:11) SHin, neeni Xoossaa ufayssanawu ay oottana danddayay? Geeshsha Maxaafay, “Lo77obaa oottiyoogaanne issoi issuwaa maaddiyoogaa dogoppite. Aissi giikko, Xoossaa ufaissiyaagee hegaa mala yarshshuwaa” yaagees. (Ibraawe 13:16) Hegee loꞌꞌobaa oottiyoogaanne harata maaddiyoogaa xallay Yihoowa ufayssees giyoogee?

Geeshsha Maxaafay, “Ammanoi bainnan ooninne Xoossaa ufaissanau danddayenna” yaagees. (Ibraawe 11:6) ‘Abrahaami Xoossaa ammani’ simmidi, ‘a dabbo geetettidi xeesettiis.’ (Yaaqooba 2:23) Nuuni Xoossay ehaana anjjuwaa demmanawu ‘Xoossaa ammanana’ koshshiyoogaa Yesuus Kiristtoosikka yootiis. (Yohaannisa 14:1) Hegaa gishshawu, Xoossay baakko shiishshiyoogeetuppe koyettiya ammanoy deꞌiyo asa waana gidana danddayay? Xoossaa Qaalaa, Geeshsha Maxaafaa ubbatoo xannaꞌiyoogan hegaa mala asa gidana danddayaasa. Yaatiyoogan, ‘Xoossaa sheniyaa eraasa’; hegaadan oottiyoogan, “a ufaissiyaabaa” waatada oottanaakko tamaaraasa. Neeni Yihoowabaa likke gididabaa gujja gujjada tamaariyo wode, qassi a xillotettaa maaraa kaallada i nena oychiyoobaa oottiyo wode, ne ammanoy minnees; qassi i neekko kaseegaappe aaruwan shiiqees.—Qolasiyaasa 1:9, 10.

    Wolayttatto Xuufeta (2000-2025)
    Kiya
    Gela
    • Wolayttattuwa
    • Kiita
    • Dosiyoobata
    • Copyright © 2025 Watch Tower Bible and Tract Society of Pennsylvania
    • Goꞌettiyo Wogaa
    • Goꞌettiyaageetu Xuuraa Naagiyo Higgiyaa
    • Goꞌettiyaageetu Xuuraa Naagiyo Higgiyaa Giigissiyoobaa
    • JW.ORG
    • Gela
    Kiita