Deꞌoy Genccanawu Metiyaaba Milatiyo Wode
Leemisuwawu, iyyo deꞌiya ubbabaa gotee xayssido, Amarkkan deꞌiya Saalaa hagaadan gaasu: “Unꞌꞌissiyaabaa genccanawu danddayennabadan taayyo siyettiis.”
Nu siiqiyoogeeti hayqqiyaaba gidikko shin? Awusttiraaliyan deꞌiya Jaanisa hagaadan gaasu: “Ta naaꞌꞌu naati hayqqido wode, ta deꞌoy kinchchettida oto mala gididaagaa tawu danddayettida keenaa zaarettada koolaas. Taani, ‘Hayyanaa, hagaappe aaruwaa genccana danddayikke! Taani hayqqana koyays. Deꞌanawu koyikke’ yaagada Xoossaa woossaas.”
Qassi Daaneeli A machchiyaa ammanettabeenna wode keehi qohettiis. I hagaadan giis: “Ta machchiyaa ammanettabeennaagaa tawu paaxido wode ta wozanaa mashshay caddidobadan tawu siyettiis. Hegee tana zaari zaari asatettan qohiisinne daro aginawu hegaadan oottiis.”
Ha Wochiyo Keelay kaallidi deꞌiya metoy gakkiyaaba gidikkokka deꞌuwan deꞌiyoogee goꞌꞌiyoogaa qonccissees
Daafabay gakkiyo wode
Siiqiyo uri hayqqiyo wode
Aqo laggee haraa siiqiyo wode
Wolqqaama harggiyaa harggiyo wode
Deꞌoy genccanawu metiyo wode
Koyruwan, daafabay gakkiyo wode waani genccana danddayiyoo?
a Ha maxeetiyan issi issi sunttati laamettidosona.