Haggaaziya Kiristtaanetussi Giigidabaa

¹ Yihoowa dirijjitee 1938n ooratta giigissuwaa doommiis. Gubaaꞌeti citan citan, haꞌꞌi woradaa shiiquwaa geetettiya zooniyaa shiiquwau shoobettidosona. Aybiyyo? Ichashe 1939 Informant (ha wodiyan Nu Kawotetta Haggaazuwaa) xuufee: “Yihoowa Dirijjitee Xoossaa Kawotettaa oosuwaa oottanau goꞌettiyo ogetuppe issoy ha shiiquwaa. He shiiquwan tamaaridobay imettida oosuwaa ubbay suure oottanaadan keehi maaddiis” yaagiis. Kawotettaabaa yootiyaageetu qooday 1938n 58,000⁠ppe 2009n 7,000,000⁠ppe daro gididoogaa qoppiyo wode, woradaa shiiqoy haggaaziyaageeti banttau “imettida oosuwaa” polanaadan maaddiiddi deꞌiyoogee qoncce!

² Yiya Layttaa Huuphe Yohuwaa: Masqqala aginan doommiya woradaa shiiquwaanne appe demmana minttettuwaa yeemottidi naagoos. Huuphe yohoy Yohaannisa 15:19⁠ppe ekettida, “Intte Sa7aabaa Gidekketa” yaagiyaagaa. Haggaaziya Kiristtaaneta goꞌꞌanaagee qoncce gidido amarida haasayati awugeetee? Qeera gallassi, “Kumetta Wode Haggaazoy Nuna Naagees—Ayba Ogiyan?” yaagiya haasayaa siyana. Qassi heezzu haasayay deꞌiyo, “. . . Hambbalaashettoppite” “Doꞌan,” “SHaaramuxen,” “Zalꞌꞌanchatun” giya simppoozemiyaakka siyana. Woggaa gallassi “Alamiyaa Gidennan, Yihoowa Siiqite” giya huuphe yohoy deꞌiyo simppoozemiyaa siyana. Hara haasayati “Ubbatoo ‘Imattadaaninne Asasan Deꞌiyaageetudan Deꞌite’” qassi “Minnite! Intte Alamiyaa Xoonana Danddayeeta” yaagiyaageeta.

³ Haggaazuwan azallida, issi michiyaa mata wode woradaa shiiquwaappe simmin, a ba hanotaa wotta yeggada qoranaadaaninne “gaasuwaa shiishshiyoogaa aggada haggaazanau” murttanaadan he shiiqoy maaddidoogaa xaafaasu. Ooratta haggaazo layttaa woradaa shiiqoy nuuni alamiyaa siiqiyoogaappe Yihoowa siiqanaadan maaddanaagau siree baawa. (1 Yoh. 2:15-17) Haggaaziya Kiristtaanetuyyo siiquwan giigida ha giigissuwaappe kumetta hanotan goꞌettanau he shiiquwan beettidi loytti kaallanau qofaa qachite!

[Oyshata]

1. Ayba ooratta giigissoy 1938n doommidee, ayba halchuwau?

2. Ooratta haggaazo layttan woradaa shiiquwan shiiqana haasayati awugeetee?

3. Woradaa shiiquwan beettiyoogan ayba goꞌꞌaa demmana danddayiyoo?