Hara Doonatun Kiyida Xuufeta Sohuwaara Demmana Koyiyo Wode
Issi issitoo, nu gubaaꞌiyan deenna, kare biitta qaalan giigida xuufeta nabbabana koyiya asati nunaara gayttoosona. Intterneetiyaanne printteriyaa goꞌettiyo injjee deꞌiyaaba gidikko, 400 gidiya doonatun xuufeta printte oottana danddayiyoogaa ereetii? Kaalliyaagadan oottana danddayeeta:
• Nu Weyb saytiyaa, www.watchtower.org. dooyite.
• He Weyb saytiyau doometta sinttan ushachcha baggan dumma dumma doonaatuppe amaridaagaa bessees. Ubba doonaa beꞌanau saꞌaa luliyaa misiliyaa bolli klike oottite.
• Intte koyiyo doonaa bolli klike oottite. Hegaappe simmin, intte printte oottanabata, giishin tiraktteta, brooshuretanne huuphe yohota bessiya sinttay yaana. He sinttay intte doorido qaalan xaafettiyo gishshau, xuufetu huuphe yohuwaa erana xayikkokka metoy ba.
• Intte dooridoogaa bolli klike oottite. Hegaappe simmidi, intte doorido xuufiyaa printte oottana danddayeeta.
Nu Weyb saytiyan deꞌiyaageeti amarida xuufetu xalla; hara xuufeta gubaaꞌiyaa baggaara demmana danddayeeta. Issi uri koshsha bessoogaappe guyyiyan gubaaꞌiyan xuufe kifiliyaappe xuufeta ekkiyoogee loꞌꞌo.