Maxeeteta Asau Immanau Woygana Danddayettii?

Wochiyo Keelaa Usuppune 1

“Xoossaa eeshshay ay malakko erana danddayettees giidi qoppi ereetii? [Zaaruwaa immanaashin takki ga.] Hegaa xeelliyaagan taani intteyyo issi ufayssiyaabaa yootana.” Sinttaa 16n naaꞌꞌantto oyshau imettida zaaruwaanne xiqisetuppe issuwaa nabbabada qonccissa. Maxeetiyaa immada heezzantto oyshau imettida zaaruwaa tobbanau zaarettada oychanau wodiyaa keera.

Beegottite! Usuppune

“Issi issi asay Geeshsha Maxaafay beni wode xaafettidaba gidiyo gishshau, saynisiyaara gayttidaagan likke gidenna giidi qoppees. Intte qofay shin aybee? [Zaaruwaa immanaashin takki ga.] Geeshsha Maxaafay hagaadan giyoogan daroti garamettoosona. [Isiyaasa 40:22 nabbaba.] Sinttaa 22n doommiya huuphe yohoy, Sayinisee Geeshsha Maxaafaara moggottii? giya oyshau zaaruwaa immees.”

Wochiyo Keelaa Laappune 1

“Yihoowa Markkati sabbakiyoogan erettoosona. Nuuni hegaa aybissi oottiyaakko qoppi ereetii? [Zaaruwaa immanaashin takki ga.] Ha qofaa akeekite. [Maatiyoosa 24:14 nabbaba.] Ha maxeetee, Mishiraachoy aybee? Kawotettay aybee? Sinttappe yaana wurssettay aybee? giya oyshatussi zaaruwaa immees.”

Beegottite! Laappune

“Daro asay harggiyan waayettiyo gishshau, nuuni ha minttettiya xiqisiyaa yootiiddi deꞌoos. [Isiyaasa 33:24 nabbaba.] Hegee polettiyo wode, deꞌoy ay mala gidana giidi qoppeetii? [Zaaruwaa immanaashin takki ga.] Xoossay hegaadan laammana gakkanaassi, nuuni ubbay nu payyatettay loꞌꞌo gidanaadan oottana danddayiyoobay dees. Ha maxeetee hegaa qonccissees.”