Xannaꞌissiyo Wode Biiduwaa Goꞌettite
Yihooway Abrahaamayyoonne Ermmaasayyo keehi koshshiyaabaa odiis, qassi beꞌiyoobaakka goꞌettidi qonccissiis. (Doo. 15:5; Erm. 18:1-6) Nuuni xinaateti Geeshsha Maxaafaa tumaanne hegaa goꞌꞌaa akeekanaadan, nu biiduwaa mala beꞌiyoobaa goꞌettidi maaddana danddayoos. Issi issi biidota awude bessana danddayiyaakko hagaappe kaallidi amarida qofay qoncciis. Ubba tamaaretu hanotay issi mala gidenna gishshau, ubbatoo ha qofaa kaallana koshshees giyoogaa gidenna.
Geeshsha Maxaafay Tamaarissiyoy giya maxaafaa
◻ SHemppo 1: Mentto 17ppe simmin, Maalaalissiya Meretay Xoossaa Bonchuwaa Qonccissees giyaagaa bessa
◻ SHemppo 2: Wurssettan, Geeshsha Maxaafaa—Asaa Naatuyyo Ha Wodiyan Haniya Beni Maxaafaa giyaagaa bessa
◻ SHemppo 9: Mentto 14ppe simmin, Yihoowa Markkata—Yihoowa SHeniyaa Oottanau Giigidaageeta giyaagaa bessa
◻ SHemppo 14: Wurssettan, Geeshsha Maxaafaa—Ne Deꞌuwan Au Deꞌiya Wolqqaa giyaagaa bessa
◻ SHemppo 15: Mentto 10ppe simmin, Alame Yuushuwan Deꞌiya Ishantta Siiqite giyaagaa bessa
“Xoossaa Siiquwan” giya maxaafaa
◻ SHemppo 3: Mentto 15ppe simmin, Yelagati Oychiyo Oyshaa—Tumu Laggeta Taani Waata Demmana Danddayiyaanaa? giyaagaa bessa
◻ Shemppo 4: Wurssettan, Yihoowa Maataa Bonchite giyaagaa bessa
◻ Shemppo 7: Mentto 12ppe simmin, Suuttaa Goꞌettikke—Akkamo Hiillay Xooni Kiyido Paaciyaa giyaagaa bessa
◻ SHemppo 9: Mentto 6ppe simmin, Ha Wodiyan Nuuni Naagettanaadan Akeekissuwaa giyaagaa bessa
◻ SHemppo 17: Wurssettan, ‘Beettiyaaban Gidennan Ammanuwan Simerettite’ giyaagaa bessa
Intte xinaatetuppe issoy beꞌidi goꞌettana danddayiyo hara biidoy deꞌii? Leemisuwau, yedetay gakkiyo uri Sobiyeete Aysuwan Deꞌiya Yihoowa Markkati Paaciyaa Wode Genccidosona giyaagaa woy Yihoowa Markkati Naaze Qohuwaa Genccidosona giyaagaa beꞌiyoogee a minttettana danddayees. Qassi Xoossaa Bonchissiya Halchota Kaallite giyaagaanne Yelagati Oychiyo Oyshaa—Taani Ta Deꞌuwan Ay Oottanee? giyaagaa beꞌiyoogee yelagata goꞌꞌana danddayees. Intte xinaatiyaa biiduwaa bessana wodiyaa woy i beꞌanaadan garxxana wodiyaa hassayanau, Geeshsha Maxaafay Tamaarissiyoy giyaanne “Xoossaa Siiquwan” giya intte maxaafan xaafi wottite. Ooratta biidoy kiyiyo wode, intte xinaatetu wozanaa denttettanau waatidi goꞌettana danddayiyaakko qoppite.—Luq. 24:32.