Asaa Haasayissiyoogaa Doommanau Maaddiya Qofaa

Aginan Koyro Qeeraa Gallassi Geeshsha Maxaafaa Xinaatiyaa Doomissanau

“Ubba asay adussa wodiyau ufayttidi deꞌanau koyees. Issi wode nuuni merinau deꞌanaadan sayniseenne akkamoy maaddanee? Intte zaaroy aybee? [Zaaranaashin takki ga.] Ane hagan qonccidabaa beꞌite.” Xiqimita-Tisaase Wochiyo Keelaa wurssetta sinttaa haasayissiyo uraa bessada, hegan deꞌiya koyro oyshaanne guuxxiis giishin issi xiqisiyaa tobbite. Maxeeteta au immada, kaallidi deꞌiya oyshaa tobbanau zaarettada yaana gallassaa keera.

Wochiyo Keelaa Xiqimita-Tisaase

“Daro asay Xoossay hagaa keena tuggaa aybissi paqqadidaakko oychiyo gishshau haasayissiiddi deꞌoos. Intte hegaadan oychi ereetii? [Zaaranaashin takki ga.] Geeshsha Maxaafay kayyoynne sahoy baynna wodee yaanaagaa yootees; hegee keehi ufayssiyaaba. [Ajjuutaa 21:4 nabbaba.] Tuggay keehi daridoy aybissakko ha maxeetee ichashu waanna gaasota qonccissees. Qassi Xoossay tuggaa waati xayssanaakko Geeshsha Maxaafay yootiyoobaakka qonccissees.”

Beegottite! Tisaase

“Nu giddoppe daroti televizhiiniyaanne gaazeexaa malabatuppe siyiyo woy nabbabiyoobaa ammanoos. Nuuni siyiyoobay woy nabbabiyoobay likkenne tuma giidi qoppeetii? [Zaaranaashin takki ga.] Geeshsha Maxaafay nuuni siyiyoobaa ammananaappe kase shaakki erana koshshiyoogaa yootees. [Iyyooba 12:11 nabbaba.] Nuuni siyiyoobaanne nabbabiyoobaa shaakki eranau maaddiya qofaa ha maxeetee yootees.”