Asaa Haasayissiyoogaa Doommanawu Maaddiya Qofaa

Nuuni Oychiyo Gita Oyshaa Zaaruwaa Awuppe Demmana Danddayiyoo?

Haasayissiyo uraa sarota simmada, trakttiyaa huuphe yohuwaa beꞌanaadan awu immada hagaadan ga: “Keehi maaddiya qofaa yootiya ha trakttiyaa kumetta alamiyan ubba asawu immiiddi deꞌoos. Hagee neessa.”

Asa demmibeenna keettan trakttiyaa wottana koyikko, bessennasan qalamꞌꞌennan, yaa haa biya asay beꞌenna sohuwan wotta.

Haasayissiyo asi tobbana koyikko, dumma dumma qofaappe dooridi zaariyo, koyro sinttan deꞌiya oyshaa xeelliyaagan ba qofaa yootanaadan oychana danddayaasa. Trakttiyaa kaalliya sinttaa kessada Mazamure 119:144, 160y giyoobaa bessa. I oychiyo oyshawu Geeshsha Maxaafaappe aliya zaaruwaa yootiya Weyb sayttiyaabaa he trakttee yootiyoogaa qonccissa. Ayyo wodee deꞌiyaaba gidikko, Geeshsha Maxaafaa Xannaꞌana Koshshiyoy Aybissee? giya biiduwaa bessana danddayaasa. Baanaappe kase, trakttiyan wurssetta sinttan deꞌiya heezzu oyshata bessada, i eranawu keehi koyiyoy awugaakko oycha. He oyshawu Geeshsha Maxaafay yootiyo zaaruwaa jw.org sayttiyaappe bessanawu zaaretta gayttiyo wodiyaa keera. Zaaretta oychiyo wode, XUUFETA > MAXAAFATA & BROOSHURETA giyaagaa giddon he oyshaa zaaruwaa bessa.

Heezzu Gallassa Gita SHiiquwaa shoobe woraqataa asawu immiyo wode gidikko, trakttiyaa imma simmada shoobe woraqataakka imma; yaatada, “Mata wode shiiqiyo shiiquwaa yaanaadankka ha shoobe woraqataa immoos” yaaga.

Wochiyo Keelaa Isiine-Masqqala

Injjetikko, Qeeraanne Woggaa gallassatun Wochiyo Keelaa asawu immanawu hagaadan ga: “Mata wode kiyida maxeetiyaakka neeyyo immanawu koyoos. Ha Wochiyo Keelaa maxeetee, Sinttanaabaa Erana Danddayiya Uri Deꞌii? yaagiya oyshaa zaarees.”

Beegottite! Naase

Injjetikko, Qeeraanne Woggaa gallassatun Beegottite! maxeetiyaa asawu immanawu hagaadan ga: “Mata wode kiyida maxeetiyaakka neeyyo immanawu koyoos. Ha Beegottite! maxeetee, Asay Issoy Issuwaara Waanidi Sigan Deꞌana Danddayii? yaagiya oyshaa zaarees.”