Pilgganawu Maaddiya Ooratta Miishshaa

Kumetta saꞌan deꞌiya, miilooniyan qoodettiya ishatinne michoti issi issibaa pilgganawu Wachitawer Pabilikeshin Indekisiyaa loytti goꞌettidosona. SHin hegee darobaa keehi qonccissidi yootiyo gishshawu daro doonan giigibeenna. Yaatiyo gishshawu, 170 gidiya doonatun Yihoowa Markkati Geeshsha Maxaafaa Xannaꞌanau Maaddiya Xuufee giigiis. Xannaꞌanau Maaddiya Xuufiyan qonccida xuufetuppe daroti 2000ppe haa simmin kiyidaageeta. Indekisee deꞌiyo doonatun Xannaꞌanau Maaddiya Xuufee attamettibeenna; shin hegee Wachtawer Laybireeriyaanne Wachtawer—ONLAYN LAYBIREERIYAA elektiroonik formatiyan deꞌees. Xannaꞌanau Maaddiya Xuufee Geeshsha Maxaafaappe oychiyo oyshawu zaaro demmanawunne nena qofissiyaabaa xeelliyaagan issi issibaa eranawu, qassi gubaaꞌiyawunne so asaa goynuwawu giigettanawu maaddees.