Haggaazuwan Kaseegaappe Qara Gidiyoogaa—Mishiraachuwaa! Giyo Brooshuriyaa Goꞌettidi Penggen Eqqosan Xinaatiyaa Doomissiyoogaa
Hegee Keehi Koshshiyoy Aybissee? Asay erissiyo ashkkara gidanaadan nuuni eta tamaarissana bessees. (Maa. 28:19, 20) Nuuni ubbay nuuyyo giigidabaa loytti goꞌettiyoogan tumaa haratuyyo loytti tamaarissana danddayoos. Xoossaappe Yiya Mishiraachuwaa! giyo brooshuree qassi nuuni harata tumaa tamaarissanaadan qoppidi giigissidobaa. Ubba ha brooshuriyaa goꞌettidi keettaawaa demmidosaara, ubba penggen eqqosan Geeshsha Maxaafaa xinaatiyaa doomissana danddayoos.
Ha Aginan Hagaa Oottanawu Mala:
Neeni Geeshsha Maxaafaa xannaꞌissanawu koyanaadan maaddana mala Yihoowa woossa. Qassi xinaatiyaa doomissanawunne loytta xannaꞌissanawu maaddana mala woossa.—Pili. 2:13.
So asaa goynuwaa wode woy buzo xinaatiyaa wode hegaa loytta meezeta. Yaatikko, haggaazaydda ammanettiyoogaa bessiya ogiyan haasayananne penggen eqqosan Geeshsha Maxaafaa xinaatiyaa doomissana danddayaasa.