Oyshaa Saaxiniyaa

◼ Issi Ura Xannaꞌissiyoogaa Aggana Bessiyoy Awudee?

Tamaaree ayyaanaaban dicciyoogaa aggibaykko, a xannaꞌissiyoogaa hiillan aggiigana danddayeeta. (Maa. 10:11) Kaallidi deꞌiya qofaa akeekite: Xannaꞌanawu keerido wodiyan i yii? Xannaꞌiyoobaa kasetidi giigettii? Issi issi gubaaꞌe shiiqota shiiqii? Ba tamaaridobaa haratuyyo yootii? Geeshsha Maxaafaa maaraadan laamettiiddi deꞌii? Asay dicciyo hanotay issuwaagee haraagaappe dummatiyo gishshawu, a layttaanne awu deꞌiya eraa akeekiyoogeekka bessiyaaba. Intte hegaa mala uraa xannaꞌissiyoogaa aggikko, i sinttappe koyiyo wode xannaꞌana danddayiyoogaa yootite.—1 Xim. 2:4.