Intte Moottan Deꞌiya Asa Ubbaa Godaa Kahuwawu SHoobbite!

Usuppune 27n doommiya zamachaa wode, Kiristtoosa hayquwaa Hassayiyo Baalaa nunaara bonchanaadan nu heeran deꞌiya daro asaa shoobbana. Eranawu koyiya ubbaa zaarettidi oychanawukka loytti qoppana bessees.

OOTTANA BESSIYAABAA

HAASAYISSIYO QOFAA YOOTA

“Issi gita baalawu asaa shoobbiyo ha woraqataa immiiddi deꞌoos. Kumetta saꞌan miilooniyan qoodettiya asay Yesuus Kiristtoosa hayquwaa hassayanawunne a hayqoy nuna waati maaddiyaakko qonccissiya haasayaa siyanawu Laappune 23n shiiqana. Ha shoobe woraqatay nu heeran ha shiiquwaa shiiqiyo sohuwaanne saatiyaa qonccissees. Neeni danddayikko yaanaadan shoobboos.”

Bitanee siyanawu koyikko . . .

• WOCHIYO KEELAA IMMA

  Zaaretta oychanawu maaddiyaabaa ootta.

• GODAA KAHUWAA BIIDUWAA BESSA

  Zaaretta oychanawu maaddiyaabaa ootta.

Zaarettada oychiyo wode oottana danddayiyoobaa:

• GEESHSHA MAXAAFAA XANNAꞌANA KOSHSHIYOY AYBISSEE? GIYO BIIDUWAA BESSA

  Yaatada, Geeshsha Maxaafaa xannaꞌanawu maaddiyaabaa imma.

• TUMUPPE GEESHSHA MAXAAFAY TAMAARISSIYOY AYBEE? GIYO MAXAAFAA IMMA

  Sinttaa 206-208n deꞌiya qofaa goꞌettada Godaa Kahuwaabaa gujjada yoota. Yaatada, maxaafaa imma.

• XOOSSAY YOOTIYOOBAA SIYA GIYO BROOSHURIYAA IMMA

  Sinttaa 18-19n deꞌiya qofaa goꞌettada Kiristtoosa hayquwaabaa yoota. Yaatada, brooshuriyaa imma.