Yihoowan Ammanettite; Loꞌꞌobaa Oottite

‘Nagaraa oottiyaageeta annaacoppite’

37:1, 2

• Iitati ufayttiyaaba milatiyoogee intte Yihoowawu haggaaziyoogaa agganaadan oottoppo. Ayyaanaabaa anjjuwaanne intte hoolliyaa qoppite

‘Yihoowan Ammanettite; Loꞌꞌobaa Oottite’

37:3

• Intte siriyo woy hirggiyo wode Yihooway maaddanaagaa ammanettite. Intte ammanettidi deꞌanaadan i maaddana

• Xoossaa Kawotettaa mishiraachuwaa yootiyoogan oosoy daridoogeeta gidite

‘Yihoowan ufayttite’

37:4

• Kaseegaappe Yihoowa loyttidi eranawu wodiyaa bazzidi Xoossaa Qaalaa xannaꞌitenne wotti denttidi qoppite

‘Intte ogiyaa hadaraa Yihoowayyo immite’

37:5, 6

• Ay metokka gidin giigissanaadan Yihooway inttena maaddanaagaa ammanettite

• Harati inttena ixxiyaaba, yedettiyaaba woy intte hanibeennabaa yootiyaaba gidikkokka, intte eeshshay loꞌꞌo gido

‘Yihoowa sinttan coꞌꞌu giidi, i oottanaashin, danddayan naagite’

37:7-9

• Intte ufayssaanne intte ayyaanaa woppatettaa diggiyaabaa oottanawu eesotoppite

“Ashkketi biittaa laattana”

37:10, 11

• Ashkketettaa koyite; qassi intte bolli gakkiya iitatetta ubbaa Yihooway xayssanaashin danddayan naagite

• Hara Kiristtaaneta maaddite; qassi Xoossay mata wode ehaanawu qaalaa gelido ooratta alamiyaabaa yootiyoogan, unꞌꞌettidaageeta minttettite