XOOSSAA QAALAN DEꞌIYA ALꞌꞌOBAA | LUQAASA 8-9
Tana Kaallite—Hegawu Koshshiyaabay Aybee?
Goshshanchchay yafaraa sitti oottidi goyanawu, guyye xeelliyoogan ba qofay shaahettanaadan oottana bessenna. Hegaadan, issi Kiristtaanee alamiyan kase aggidi yiidobaa qoppiyoogan ba qofay shaahettanaadan oottana bessenna.—Pili 3:13.
Nuna metoy gakkiyo wode, nuuni tumaa siyanaappe kase deꞌido deꞌoy keha giidi qoppana danddayoos. Yaatiyo wode, darotoo kase nu ufayttidobaa keehi xoqqu oottidi, qassi kase nuna gakkida metuwaa ziqqi oottidi xeelloos. Israaꞌeelati Gibxxeppe kiyi simmidi hegaadan qoppidosona. (Qoo 11:5, 6) Nuuni hegaadan qoppiyaaba gidikko, kase nu aggidi yiidobaakko simmanawu paacettana danddayoos. Nuuni haꞌꞌi demmido anjjuwaa qoodiyoogeenne sinttappe Kawotettay ehaana ufayssiyaabaa qoppiyoogee keehi loꞌꞌo!—2Qor 4:16-18.