Haggaazuwan Kaseegaappe Qara Gidiyoogaa—JW.ORG Loytti Goꞌettiyoogaa

HEGEE KEEHI KOSHSHIYOY AYBISSEE? Tamaarissiyo Miishshata giyaagaa giddon deꞌiya xuufeenne hara ubbay jw.org saytiyaa xomoosanaadan yootees. Ubbakka, erissiyo karddiyaanne Nuuni Oychiyo Gita Oyshaa Zaaruwaa Awuppe Demmana Danddayiyoo? giyo trakttiyaa waanna halchchoy asay nu websaytiyaa xomoosanaadan minttettiyoogaa. Neeni jw.org saytiyan deꞌiya Tamaarissiyo Miishshata giyaagaappe xuufiyaa woy harabaa elektironike koppiya woy linkiyaa asawu kiittana danddayaasa. Ubba qassi hara qaalaa haasayiya asawu mishiraachchuwaa yootiyo wode hegee keehi maaddees. Hegaa bollikka asay nuna Tamaarissiyo Miishshata giyaagaa giddon kiyibeennaban zaaroy deꞌiyo oyshaa oychchana danddayees. Nuuni nu web saytiyaa loytti goꞌettiyoogaa meezetikko, haggaazuwan kaseegaappe muruta ayfiyaa demmana danddayoos.

WAATANA DANDDAYIYOO?

• 

  “GEESHSHAA MAXAAFAA TIMIRTTIYAA” giyaagaa goꞌetta. Naata loytti dichchanawu maaddiyaabaa eranawu koyiya aawaara woy aayeera tobbaydda deꞌiyaabadan qoppa. GEESHSHAA MAXAAFAA TIMIRTTIYAA > AQO DEꞌUWAANNE SO ASAA giyaagaa xeella.

• “XUUFETA” giyaagaa goꞌetta. Timirtte keettan mishiraachchuwaa yootaydda deꞌiyaabadaaninne nenaara tamaariya urawu 10 Oyshatu Zaaruwaa Yelagatu Oyshaa giyo broshuriyaa immanawu koyidabadan qoppa. XUUFETA > MAXAAFATA & BROOSHURETA giyaagaa xeella.

• “NUBAA” giyaagaa goꞌetta. Nu ammanuwaabaa qonccissiya qanttabaa nabbabanawu koyiya, nenaara oottiya urawu mishiraachchuwaa yootaydda deꞌiyaabadan qoppa. NUBAA > ASAY DAROTOO OYCHIYO OYSHAA giyaagaa xeella.

JW.ORG GOꞌETTIYOOGAA GIYO BIIDUWAA BEꞌIDI, WEYBSAYTIYAN AWUPPE MAADDIYA QOFAA DEMMANAAKKO TOBBITE:

• Xoossi baa giidi ammaniya uraa

• wolqqaama metoy mata wode gakkido uraa

• ayyaanaaban shuggida ishaa woy michchiyo

• nu oosoy awuppe beettiya miishshan oosettiyaakko erana koyiya, zaaretti oychchiyo uraa

• ba yeleta biitti simmiyo wode nu shiiquwaa baana koyiya, kare biittan deꞌiya uraa