Kiristtaane Gubaaꞌiyan Geeshsha Ayyaanay Gukkiis

2:1-8, 14, 37, 38, 41-47

Yerusalaamen PHenxxaqosxxe gallassi  33 M.Ln shiiqida daro Ayhudati dumma dumma biittaappe yiidaageeta. (Oos 2:9-11) Eti Muuse Higgiyaa kaallikkokka, bantta deꞌiyo laytta ubban kare biittan deꞌennan aggokkona. (Erm 44:1) Hegaa gishshawu, issotu issotu hanotaynne haasayay Ayhudatuugaa milatiyoogaappe bantta yiido biittaa asaagaa milatees. Dumma dumma zare gidida 3,000 asay xammaqettin, sohuwaarakka Kiristtaane gubaaꞌiyan deꞌiya asay dumma dummasaape yiidaagaa gidiis. Eti dumma dummasaappe yiikkokka, “ubba gallassi, issi wozana gididi, Beeta Maqidasiyan paccennan [gayttoosona].”—Oos 2:46.

Kaallidi deꞌiya asatuyyo nuuni wozanappe qoppiyoogaa waati bessana danddayiyoo?

• Intte moottan deꞌiya hara biittaa asaa

• Intte gubaaꞌiyan deꞌiya hara biittaappe yiida ishanttanne michchontta