Yihooway Loohissiyoobaa Kaallite

HEGEE KEEHI KOSHSHIYOY AYBISSEE? Gita asttamaaree, Yihooway aybippenne aadhdhiya timirttiyaa nuna tamaarissees. I nuuni nu deꞌuwaa waati giigissanaakko, qassi sinttappe yiya loꞌꞌo wodiyawu waani giigettanaakko tamaarissees; he timirttiyawu nuuni miishsha qanxxana koshshenna! (Isi 11:6-9; 30:20, 21; Ajj 22:17) Yihooway immiyo kaaletoy deꞌuwaa ashshiya mishiraachchuwaa haratussi yootanaadankka maaddees.—2Qor 3:5.

WAATANA DANDDAYIYOO?

• Inttena ziqqi oottiyaageetanne ashkketa gidite.—Maz 25:8, 9

• Yihooway intteyyo haꞌꞌi immiyo loohissuwan goꞌettite; leemisuwawu, saaminttawu gidduwan shiiqiyo shiiquwan tamaaretu kifiliyaa shiishshiyoogan

• Intte Yihoowayyo kaseegaappe loytti haggaazana danddayiyo ogeta qoppite; qassi intte hegaa oottanaadan maaddiyaabaa halchchite.—Pili 3:13

• Intte gujjidi loohanaadan maaddana mala issi issibaa aggi bayite.—Pili 3:8

YIHOOWAPPE TAMAARIYOOGEE AYYAANAABAN DUREYEES GIYA BIIDUWAA BEꞌI SIMMIDI KAALLIYA OYSHATA ZAARITE:

• Kawotettaa Mishiraachchuwaa Yootiyaageetu Timirtte Keettan tamaaranawu issoti issoti xoonido xube gididabay aybee?

• Kawotettaa Mishiraachchuwaa Yootiyaageetu Timirtte Keettay tamaareta aybin maaddii?

• Anjjettidaageeti ooratti maddabettidosan deꞌiya gubaaꞌiyaa yameti eta waati maaddidonaa?

• Kawotettaa Mishiraachchuwaa Yootiyaageetu Timirtte Keettan tamaaranawu mazggabettiyaageetuppe koyettiyaabay aybee? (kr 189)

• Intte Yihoowa dirijjitiyan kaallana danddayiyo hara loohissoy aybee?