“Ha Yohota Qoppiyoogaa Aggoppa”

Awugeeta? Tuma gidiyaabaa, bonchchissiyaabaa, mooro gidennabaa, geeshshabaa, siiqobaa, loꞌꞌo haasaya gidiyaabaa, wozanan loꞌꞌobaanne galatissiyaabaa qoppanaadan Piliphphisiyuusa 4:8y yootees. Hegaa giyoogee issi Kiristtaanee ubbatoo Geeshsha Maxaafaabaa xallaa qoppana koshshees giyoogaa gidenna. SHin nuuni wotti dentti qoppiyoobay Yihoowa ufayssiyaaba gidana koshshees. Nuuni ayyo ammanettiyoogee metanaadan oottiyaabaa qoppana koshshenna.—Maz 19:14.

Iitabaa qoppiyoogaa agganawu metootana danddayoos. Nuuni nu nagaranchcha asatettaara xalla gidennan, ‘ha saꞌaa Xoossaa’ gidida Seexaanaarakka baaxetana bessees. (2Qor 4:4) Seexaanay ha alamiyaa haariyo gishshawu, televizhiine prograamiyaappe, eraadoone prograamiyaappe, Interneete saytiyaappenne attamettidi kiyiyaabaappe dariya baggay iita. Nuuni nu guuggiyan wottiyoobaa loytti qoppana koshshees; ayssi giikko, nuuni nu guuggiyan wottiyoobay nu qoppiyo ogiyaa mooridi wurssettan nuuni iitabaa oottanaadan denttettees.—Yaaq 1:14, 15.

AMMANETTENNAADAN OOTTIYAABAAPPE HAAKKITE—BESSENNABAN ALLAXXIYOOGAA, GIYO BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• 

  Ishay ba moobayliyan ay beꞌidee, qassi hegee A waati qohidee?

• 

  Galaatiyaa 6:7, 8⁠ynne Mazamure 119:37y A waati maaddidee?