Geeshsha Asata Yihooway Siiqees

‘Kushiyaa meecetta. Ne kifiliyaa geeshsha. Wuygiyaa pitta. Pituwaa kessa.’ Yelida daroti bantta naati asatettan waani geeshsha gididi deꞌanaakko tamaarissoosona. SHin geeshshatettaa maaraa kessiday geeshsha gidida nu Xoossaa. (Kes 30:18-20; Zaa 23:14; 2Qor 7:1) Nuuni nu bollaanne nuuyyo deꞌiyaabaa geeshsha oottidi oyqqiyo wode Yihoowa bonchchissoos. (1PHe 1:14-16) Nu keettaabaanne heerabaa shin? Ogiyaaninne asay allaxxiyoosan buura coo oliya asaappe Kiristtaaneti dumma; eti deꞌiyo ha saꞌaa geeshsha oottidi oyqqanawu banttawu danddayettidabaa oottoosona. (Maz 115:16; Ajj 11:18) Karameellaa xaaxiyoobaa, muuziyaa poquwaa woy masttikaa mala guuttabaakka coo olennan aggiyoogan geeshshatettaa naagana danddayoos. Nuuni nu deꞌo macara ubban “Xoossaa ashkkarata gidiyoogaa” bessoos.—2Qor 6:3, 4.

GEESHSHA ASATA XOOSSAY SIIQEES GIYA BIIDUWAA BEꞌITE, YAATIDI KAALLIDI DEꞌIYA OYSHATA ZAARITE:

• Issi issi asay bawu deꞌiyaabaa geeshshatettaa naagennaagaa aybin gaasoyana danddayii?

• Muse Higgee Yihooway geeshshatettaa xeelliyo ogiyaabaa waati qonccissii?

• Aynne haasayennan Yihooway bonchchettanaadan waati oottana danddayiyoo?