Neeni Xoossaa Qaalaa Ay Keena Xoqqu Ootta Xeellay?

Geeshsha Maxaafay A xaafissida Xoossaa Yihoowa qofaanne I haasayidobaa yootees. (2PHe 1:20, 21) Geeshsha Maxaafay Yihoowa Kawotettaa baggaara A haaroy suure gidiyoogee qonccanaagaa yootiyoogan, deꞌoy ubba asawu mata wode loꞌꞌo gidanaagawu hidootaa odees. Geeshsha Maxaafay saluwan deꞌiya nu siiqo Aawaa Yihoowa eeshshatakka yootees.—Maz 86:15.

Nu ubbay dumma dumma gaasuwan Yihoowa Qaalaa xoqqu ootti xeelloos. SHin nuuni Geeshsha Maxaafaa ubbatoo nabbabiyoogaaninne hegaa nu deꞌuwan oosuwan peeshshiyoogan he alꞌꞌo imotaa xoqqu ootti xeelliyoogaa bessiyoo? Simi yaakko, “Taani ne higgiyaa aiba siiqiyaanaa!” giida mazamuraawiyaagaadan qoppiyoogaa nu oosuwan bessiyaageeta gidoos.—Maz 119:97.

ETI GEESHSHA MAXAAFAA XOQQU OOTTIDI XEELLIDOSONA—EKETTIDABA (WIILIYAM TINDELA), GIYO BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• 

  Wiiliyam Tindeli Geeshsha Maxaafaa shaahota birshshidoy aybissee?

• I Geeshsha Maxaafaa birshshanawu baaxetidoogee keehi maalaalissiyoy aybissee?

• Tindeli giigissido Geeshsha Maxaafay waani Inggilize biittaa qosan gakkidee?

• Nuuni ubbay Xoossaa Qaalaa xoqqu ootti xeelliyoogaa waati bessana danddayiyoo?