Biiduwan Giigida Mazamuretuppe Ay Tamaarana Danddayay?

Biiduwan giigida mazamuretuppe neeni dosiyo amaridaageeti awugeetee? Aybissi? Biiduwan qonccidabay ubba galla asay deꞌiyo hanotaara gayttees gaada qoppay? Hegaa mala dumma dumma huuphe yohotuuninne dumma hanotan giigida muuziqatun, ubba asawu haniyaabay deꞌees. Gidoppe attin, biiduwan giigida mazamuretunne muuziqaa biidotu goꞌꞌay asaa ufayssiyoogaa xalla gidenna.

Biiduwan giigida mazamuree ubbay Kiristtaaneti deꞌuwaaninne haggaazuwan oosuwan peeshshana danddayiyoobaa tamaarissees. Amarida mazamureti imattaa mokkiyoogaabaa, issippetettaabaa, laggetettaabaa, xalatettaabaa, siiquwaabaa woy ammanuwaabaa yootoosona. Harati qassi Yihoowakko simmiyoogaa, atto giyoogaa, ubba galla ammanettidi deꞌiyoogaanne ayyaanaabaa halchchuwaa kessiyoogaa qonccissoosona. Moobayliyaa bessiya ogiyan goꞌettiyoogaabaa bessiya biiduwan giigida mazamureekka deꞌees. Neeni maaddiya hara ayba timirtteta biiduwan giigida mazamuretuppe demmadii?

KEEHI MATATTIIS GIYA BIIDUWAN GIIGIDA MAZAMURIYAA BESSA, YAATIDI KAALLIYA OYSHATA ZAARITE:

• Cimida azinaynne machchiya sinttappe demmana ayba anjjuwaabaa qoppiiddi deꞌiyoonaa?—Doo 12:3

• Yihooway ba gelido qaalaa polanaagaa nuuni waati minttidi ammanana danddayiyoo?

• Mata wode asay issippe zaarettidi gayttana ufayssiyaabay aybee?

• Xoossaa Kawotettay ehaanabaa hidootan naagiyoogee haꞌꞌi gakkiya paaceta genccanawu nuna waati maaddii?— Roo 8:25